Versets bíblics populars de Génesis 25

Comparteix

Tsaynö mañakuptinnam DIOS YAYA nirqan: <<Pachaykichö wawaykikunam atskaman mirarnin ishkay nacionkuna kayanqa. Pachaykillachönam chikinakur jaqchinakuykäyan. Punta yuriqmi qepan yuriq kaqpa poderninchö kanqa>>.

Tsaymi wawqinta nirqan: <<Tsay pukaypa pukaq mikuy kusinakunqaykita qaraykamay. Mallaqaypitam wañuykäna>>. (Tsaynö pukaypa pukaq mikuyta munapanqanpitam Esaúta reqiyarqan Edom shutiwan.)

Warmin Rebeca qolluq kaptinmi qeshyaq kananpaq DIOS YAYATA Isaac mañakurqan. Mañakunqanta DIOS YAYA wiyaptinmi Rebeca qeshyaq karqan.

Esaúnam nirqan: <<Mallaqaypita wañuykaptïqa ¿imapaqtan mayor kay derëchüpis väliman?>> Jacobnam yapay nirqan: <<Kanan höra Diospa shutinchö jurarnin änimay mayor kay derëchuykita entregamänaykipaq>>. Tsaynö niptinnam Esaú jurar mayor kay derëchunta tsay mikuyllawan trukarqan.

Esaúpa atakanta aptashqam wawqin qepanta yurirqan. Tsaynö yurinqanpitanam shutin churayarqan Jacobta. Rebeca qeshyakunqan witsaymi Isaac soqta chunka (60) watayuqna kaykarqan.

Achkumunqan wätakunapa aytsanta mikutsiptinmi Isaacqa tsurin Esaúta mas kuyarqan. Peru Rebecanam Jacobta mas kuyarqan.