Versets bíblics populars de Juan 14

Comparteix

<<Alli kawaytam qamkunata dëjapuyaq. Alli kawaynïtam qamkunata qarayaq. Noqa yanapayanqaqnöqa manam pipis yanapayäshunkitsu. Ama llakikuyaytsu ni mantsakäyaytsu.

Jesúsnam nirqan: <<Noqam näni kä, rasun kaqmi kä y runakunata kawayta qaraqmi kä. Noqata mana chaskimarqa Taytä kaqman manam pipis chanqatsu.

<<Ama llakikuyaytsu. Dios Yayamanpis y noqamanpis creyikayämuy.

Peru aywakuskiptïmi sïqa noqapa rantï Yanapakuq Espíritu Santuta qamkunaman Taytä kachamunqa. Paymi llapanta yachatsiyäshunki y llapan yachatsiyanqaqta yarpätsiyäshunki.

Mandamientükunata cumpliq kaqmi rasunpa kuyaman. Kuyamaq kaqtam Taytäpis kuyan. Noqapis kuyarmi paywan kaykäshaq>>.

Dios Yayata mañakuptïmi juk Yanapakuqta kachamunqa. Paymi imayyaqpis qamkunawan kanqa. Payqa rasun kaqta tantiyatsikuq Espíritu Santum. Dios Yayata mana cäsuqkunaqa Espíritu Santuta manam chaskiyanqatsu. Tsaynö chaskiyanqatsu payta mana ashir y payta mana reqirmi. Peru qamkunam sïqa reqiyanki qamkunawan kaptin y qamkunachö kananpaq kaptin.

Noqapa shutïchö imatapis Taytäta mañakuyaptikim rurashaq. Tsurin karmi tsaynö rurashaq Taytä alabashqa kananpaq. Shutïchö imatapis mañakuyaptikim mañakayämanqaykita rurashaq.

<<Noqata kuyamarqa llapan mandamientükunata cäsuyay.

Taytäpa wajinchöqa atskam cuartukuna kaykan. Tsaynö mana kaptinqa manam: <qamkunapaq alistaq aywä> niyaqmantsu karqan.

Alistaskamurmi qamkunata pushayänaqpaq kutimushaq. Tsaymi noqa kanqächö qamkunapis kayanki.

Tomásnam nirqan: <<Taytay, maypa aywanaykipaq kanqantapis mana musyaykarqa ¿imanötan nänita reqiyäshaq?>>