Versets bíblics populars de Juan 19

Comparteix

Tsay vïnuta yawarkurnam Jesús nirqan: <<Llapannam cumplishqa kaykan>>. Tsaynö niskirnam wañuskirqan.

Llapan cumplishqana kanqanta musyarmi Dios Yayapa palabranta cumplinanpaq Jesús nirqan: <<¡Yakunämi!>>

Mamanta y kuyanqan discïpulun puntanchö kaykäyaqta rikaykurmi Jesús nirqan: <<Mamay, paynam wawayki kanqa>>. Tsaypitanam kuyanqan discïpuluntana nirqan: <<Kananpitaqa mamaykitanö rikaykullanki>>. Tsaynö ninqanpitam wajinman pushaykur mamantanö rikarqan.

Jesús wañushqana kaptinmi paypa chankankunataqa pakiyarqannatsu. Tsaypa rantinmi juk soldädu lanzawan costädunpa tuksirqan. Tuksiskiptinmi yawarwan yaku sas yarqaskamurqan.

Dios Yayapa palabranmi nin: <<Manam ni juk tullunllatapis pakinqatsu>>. Llapan tsaykunam päsarqan Dios Yayapa palabran cumplinanpaq. Tsaynöllam Dios Yayapa palabran nin: <<Tuksiyanqantam rikäyanqa>>.

Cruzta matankarkatsirmi Calavëra niyanqan sitiuman Jesústa apayarqan. Hebreo idiömachömi Calavëra ninqanta Gólgota niyan.

Soldädukunanam kashapita corönata awaskir Jesúspa umanman shukutsiyarqan. Tsaynöllam granäti cäpata ashqutsiyarqan.