Versets bíblics populars de EVASELIO A LUKA 6

Comparteix

Koutou foaki, pea e foaki atu anai kia koutou: E liligi anai ki okotou fatafata he fua lahi, kua lomi, kua tutui, kua fonu gutugutu, koteuhi e fua anai koutou aki te fua nee kotou fakaaoga.

E too e te tagata agalelei te lelei mai te koloa lelei o tona loto, pea e too e te tagata agakovi te kovi mai te koloa kovi o tona loto; Koteuhi e palalau te gutu mai te mahu o te loto.

Kae kotou ofa ki okotou fili, kotou fai te lelei, pea kotou foaki hala talitali ke fakaliliu atu. Pea e lahi anai tokotou fakapale, pea e kotou liliu anai ko te u foha o te Matuaki-Maoluga. Koteuhi e agalelei ia ia ki te kau mauligalo mo te kau agakovi.

Koia kotou manavaofa, o hage ko tokotou tamai e fonu i te manavaofa.

Aua pe naa kotou fakamaaui, pea e mole fakamaaui anai koutou; aua pe naa kotou tautea he tahi, pea e mole tautea anai koutou, koutou fakamolemole, pea e fakamolemole atu anai kia koutou.

Kae e au ui atu kia koutou, kia koutou ae e fakalogo mai kia au: Koutou oofa ki okotou fili, koutou fai te lelei kia natou ae e fehihia mai kia koutou, koutou tapuaki kia natou ae e natou tutukui koutou, koutou hufaki natou ae e natou gaohi kovii koutou.

Ko te mea ae e kotou loto ke fai e te tagata kia koutou, koutou fai ia ia kia natou.

Kapau e paaki ia koe e he tahi i he kauahe, toe momoli foki kia ia mo te tahi kauahe. Kapau e too e he tahi tou pulupulu aua naa ke taofi ke toe too foki mo tou kofu loto. Foaki ki ae e kole atu kia koe, pea aua naa ke fakaala tou koloa ki ae nee ina too.

E mole tupu mai he akau lelei ni fua kovi, pee mai he akau kovi ni fua lelei.

Koteuhi e iloi te akau i tona fua. E mole toli ni fuai fiki i ni vao talatala, pea e mole toli ni fuai vite i ni akau tuituia.