Versets bíblics populars de Mbete Matiye 7

Comparteix

Í vbi Ŋgerzah, ke ɓay lah wuri. Í taw ni, ke ɓay hi̧ í tu ni. Í vba̧ nzak vul ye ŋguŋ ŋguŋ, ke ɓay mgbur nzak vulu hi̧ wuri.

Ɓayu ké nzuk a suŋ suŋ ké vbi Ŋgerzah le, nzuku ƴo ya̧-ya̧. Nzuk ké taw ni le, ke ƴo hi̧ nzuku tu ni. Nzuk ké vba̧ nzak vul ye le, ke ɓay mgbur nzak vulu hi̧ ni.

Kaŋaw ba, nzuk a suŋ suŋ gbam ké lah ɓay bi, mí ke ƴo tulu le, nzuku ɓa nzuk a ru̧-u. Ke mboh vul ye ké gel ké kasaw na diŋu.

Kaŋaw ba, lawsuki a suŋ suŋ gbam ké i yih ɓay hi̧ nzuk a ɓoruri ɓá laɓ ziŋ wuri ra, a woiri kara í laɓ lawsuki-u ziŋ niri pi. Kandɔkaw mí ɓa bolkusol Ŋgerzah ké na ɓil mbete vbehna Moyiz ke mbete vbehna gun nzak pihna Ŋgerzah a lewsa̧ri.

Ful a ah ya-u ra, ah ya gaŋ ba. Fulu-aw si ziŋ nzukri si ka̧h ɔkna, nzukri ŋgi̧ ya mí ziŋ fulu.

Í mbi ful a ah ya-u ɓay fe le, mgboŋ a ah-u ra ah borovboŋ, fulu si ziŋ nzukri ɓa zina. Daɓa nzukri mí si keni sina.

Mí kaŋaw ba, a woiri nzuk law a pipiri-uri, i tu hi̧ fe a suki hi̧ gun woiri ra wa, ɓay laɓ ani ɓáy mí bah woiri a ye ké nunmbam ba, ɓay hi̧ suki hi̧ nzukri ké ƴo vbi ni, ya le wo ?

Í kehr nzukri ɓa nzuk a sukiri, ɓa nzuk a suya-uri ya rɔkɔ kehrna-u ké i kehr nzukri ɓá el mbu̧h wuri ɓa nzuk suyari. Suya fe fe ké i kehr nzuk a ɓoruri keni-aw ra, suya-aw gaŋ mí ɓay si ziŋ wuri gel-kuŋ salɓay. Ɓay ké i kan tul nzuk a ɓoru le, ɓay ra ɓay el kan tul woiri.

Nzuk a suŋ suŋ gbam ké lah ɓay bi, mí ke poŋ le, nzuku ɓa kɔk nzuk, ke mboh vul ye ké gel sikɔkre.

Ɓay fe mú-u ko suy ké na nun mbaŋ wo, mí sa̧w nun wo ké baw kpuh tik ri mú-u ko ya le ? Uwa, ani mú-u ɓah hi̧ nzuk a ɓoru ɓahri : “Ya̧h, mú hi̧ mi mí lu suy ké ɓu nun wo-aw” le ? Mí í ko, kpuh ké tih sa̧w nun wo, mu ko ya lo ?

Í ru̧ ke mun woiri ɓay tul gun nzak pihna Ŋgerzah a fohri. Ŋgerzah pih niri ya, mí ku laɓ mun eŋ sami, mí ku ɓa gaykoy ɓay su̧ wuri. I tú niri ɓay fe laɓna woyri kandɔk i tu kpuh ɓay lehna kpuh-u kaŋ. Nzuk ɓay hal nzu̧y ké tul ŋgatukru lo ? Ke ɓay hal vo̧ko ké tul ŋgatukru gun gay le wo ?

Kpuh a suki le, leh lehna a suki, kpuh a suya-u, leh lehna a suya-u gaŋ ba.

Kpuh a suki ta leh lehna a suya-u ya. Kpuh a suya-u ba, leh lehna a suki ya.

Kpuh a suŋ suŋ gbam ké leh lehna a suki ya le, ku ɓay te ke sa̧wu ku̧ hɔrɔ.