Versets bíblics populars de Lukas 11

Comparteix

Niitumo, sa ni kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé si Roh Lenas wia sé tou mahaléi wia ni Sia.”

Niitumo, ikua-Kuma wia ni kamu: Mahaléila, ni kamu ém wéhan. Menérola, ni kamu é makailek. Tuméngkorla, ni kamu ém wukaan um pepenet.

Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

A séra wingkotela ni Yesus, kuan-Na, “Sa kamu mengaléi, téntii un ikua nioula, Ama', u ngaran-Mu é lenasen. Ung Kakolanoan-Nu é méyé.

Ampungané ni kai im wana a singkéla' nai, pahpaan ni kai kangkasii é niméhémola un ampungan wia sé tou simala'la wia ni kai. Wo tia'mo ni kai ipahwali witu um pema'waan.”

Wéhané kai tikohon sekez in endo mengiit am pemandungen nai.

Um werenmu én tanu u solo witu un toumu. Sa um werenmu ém wangun, péléng un toumu én ayah. Taan sa um werenmu éng kewur, un toumu é marimbengbeng.

Si Yesus kimua un aandéan in téntii, “Zéi'kan siapa tou tumutungla u solo wo maizeta'na witi tampa méikawuni kaapa keleuanna karia un tampayang, taan u solo itii é maizeta'na witu um penono'tolan u solo wo sé tou mahuntepa witu um walé én toro milek u sena'na.