Versets bíblics populars de Lukas 23

Comparteix

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

A si Yesus mingkotla wia ni sia, “Uli-ulit ikua-Kuma wia ni ko, in endo kenu ni ko é mahwali-wali karia-Ku witi Firdaus.”

A sia kumua kasii, “Yesus, genangen ndootuumé ni aku i ni Ko méyé ing Kolano.”

A si Yesus kumérét totoz rimez, “Ama', ung katou-touang-Ku én iayo-Kuma wia ni Ko.” Makakuama niitu a Sia kalekepala.

I ni séra méikaayola witi tampa makangaran Tengkora', si Yesus méisalip néra witu karia né zua tou léwo' itii, si esa ém witu ung kakan-Na wo si esa ém witu ung kawihi-Na.

In toro niitu im woo jam mapulu' wo zua i lolambot, péléng un tana' itii é nimarimbengbenga makaz witu un jam katelu im wengindo, pahpaan si endo én zéi'kan mahsena'. U roko' méiapé' witi tampa Totoz Lenas witi Walé ni Opo Empung é nimapahzuama.

I si tonaas né sana atus suraro nimilek a nimamuali, a sia mahlooz wo mahsigi' si Opo Empung, kuana, “Totoz ulit, si Tou kenu én zéi'kan siapa sinala'!”