Versets bíblics populars de Ioane 15

Comparteix

Movia vineri, riovia ketereri. Dubu nou momu emidiowa wia mo noumuri, nouri dubu iopu godogodo romohaudio, mabu nouri na ata mo tatowa rioo idodiaimo raihe.

Momu tamidioumo nou aibo mo riomu nou nemidio. Keteri nou himia gauwoha, iopu imohaudio raihe ina vine nou i’a tatowa, nou aibo rio iopu imohaudioumo raihe ina rio momu emidioumo biahai.

Ina rio momu emidiomowa wia mo wade riomu emidiowa, nouri nana rio niro, rioo aiwaimo‐atodoi ina nouro rioido aiwaidodiai.

Mo rioo emeibomaimo biahai, moro rio ainimeibomai ina rioo bato’umo iopu godogodo imohaudiomoi wia rio himia iopu bativia tutimo wia auwoha nana rio Abeaido bati atodoumo nouro rioido batimaatidio.

Ina dubu nou himia kiiro nou himia mabu oubido atouaiwa, niro na ata nou aibo auwo, duburo owea raihe.

Keteri auwoha iopu omohaudio tatowa nou naibaha airiahio wia keteri auwoha iopu iohiwa nou sovio rimowai ina nouri nou iopu amida godo meaha riohidumo.

Nouri mo wade modobo, Rio himia himia niro taremahebidioumo nou aibo moro rio niro nou nimahebidio.

Ina rio meamea iopu imohaudiowa, rioo mo Abea pai aiwaimo‐owai wia nou aibo riovia mo himia naiheha kitomudio mereri.

Movia naiheha vineri wia mo Abea nou vine kiauri duburi.

Ina dubu ata momu emidio tatowa, nou keteri aibo karatuiairi wia nou wahiri wia oubio airiiriatutidumo kupoito iheremoi wia nei airipiamutidumo.

Nouri wade mo nou naro rioido ina nouri mo geii na riomu emidioi wia rio himia geii na nou auwo‐aiwaiti.

Ina rio mo wade modobo naibaha idodiaimowa rioo mo niro na’i nou turiwa aiwaimo‐emidioi naiba mo Abea wade modobo’i mo naibaha nidodiai wia nou niro na’i mo nou turiwa nemidio.

Nouri nana mo rioido wade modoboito nou naro, nouri rio himia himia niro taremahebidioumo.

Ina rio batibati oubi aibori, batibati oubi rio niro batimahebidioumo, ata rio batibati oubi aibo biahai, wia moro rio batibatiudo nimeibomairo; mabu nouri batibati oubi nei rio oriha riauridumo.