Versets bíblics populars de यहून्ना 6

Comparteix

यीसूए तिन्हा किन्हें बोल्या, “जिन्दगी देणे वाली रोटी हांऊँ ईं! जेस जे मेरे वाले आऊंणा तेस कधी भी भूखे नी रैंह्णां होर जो माह पर विस्वास करघा, तेस जो कधी सोख नी लगणी।

परमेसरा री आत्मा ता जिन्दगी देणे वाली ई, माह्णुं री सक्ति कुछ नी करी सकदी। जो गल्ला मैं तुस्सा किन्हें बोलिरी स्यों आत्मा री वखा ले आहूँईं होर जिन्दगी देणे वाली ई।

सड़ने वाल़े खाणे रे कठे मैहनत नी करा, पर तेस खाणे रे कठे मैहनत करा जो अनंत जिन्दगी देहां, जेह्ड़ी हांऊँ माह्णुं रे मह्ठे तुस्सा जो देणी। ये काम करणे रे कठे बापू परमेसरे मेरे पर हका री छाप लगाई दितिरी।”

क्यूंकि मेरे बापू री इच्छा येई कि, जो कोई मह्ठे जो मनी किन्हें तेस पर विस्वास करहे, तेस अनंत जिन्दगी पाणी। होर मां स्यों आखरी ध्याड़े दबारा मरिरे मन्झा ले जिउंदे करी देणे।”

यीसूए तिन्हा जो जवाब दितेया, “परमेसरा रा काम ये आ कि, तुस्से मेरे पर विस्वास करा जिन्हें जे हांऊँ भेजिरा।”

जितने भी लोक बापू मुंजो देहां स्यों से मेरे वाले आहूँआं ऐं, होर जो मेरे वाले आहूँआं ऐं, मां पक्का स्यों अपनाणे।

समौन पतरसे तेस जो जवाब दितेया कि, “हे प्रभु आस्से केस वाले जाईये? अनंत जिन्दगी री गल्ला ता तेरे ही वाले ई।

जीवन देणे वाली रोटी जो स्वर्गा ले उतरीरी, से हांऊँ आ। अगर कोई एस्सा रोटिया मन्झा ले खाये, ता हमेसा जिउंदा रैंह्णां होर जो रोटी मां संसारा रे लोका रे कठे देणी, से मेरा मास आ।”

कोई भी मेरे वाले नी आई सक्दा, जेबे तक बापू, जिन्हें जे हांऊँ भेजिरा, से तेस जो मेरे वाले नी लई आये। होर मां से आखरी ध्याड़े दबारा मरिरे मन्झा ले जिउंदे करी देणा।

क्यूंकि से रोटी जो परमेसर देहां, ये से रोटी जेह्ड़ी स्वर्गा ले उतरी किन्हें संसारा रे लोका जो जिन्दगी देहां ईं।”

हांऊँ जीवन देणे वाली रोटी ई।

तेबे यीसूए रोटिया लिती होर परमेसरा धन्यावाद करी किन्हें बैठिरे लोका मन्झ बांडी दिती। होर तिंहां ईं मछिया मन्झा ले जितनी स्यों चाहें थे तिन्हा जो बांडी दिती। जेबे स्यों खाई किन्हें रजी गये ता यीसूए आपणे चेले किन्हें बोल्या कि, “बचीरे रोटिया कठे करहा, ताकि कुछ भी बरबाद नी हो।”

जेबे स्यों किस्ती च्लांदे-च्लांदे लगभग पांज छे किलोमीटर दूर निकली गये, तेबे तिन्हें यीसू जो समुद्रा पर चलदे, होर किस्ती रे नेडे आऊंदे देख्या, होर स्यों डरी गये। पर यीसूए तिन्हा किन्हें बोल्या, “हांऊँ यीसू आ; डरा मत।”