Versets bíblics populars de Yoa. 15

Comparteix

“Arae Ayoŋ ekitoe ŋolo ke epiini, irae iyes ŋaten. Ŋini iboi alotooma kaŋ ka ayoŋ alotooma keŋ, iŋes erauni ŋaraito ŋuna alalak; anerae emam idiobore ŋini itiyakinete iyes amam ayoŋ.

Kiboiyoto alotooma kaŋ ka ayoŋ tooma kus. Nyeraii ateni bon, mati eyai lokitoe. Ikwaŋinapei ikoŋin, nyirayete iyes ŋaraito, mati kiboiyoto alotooma kaŋ.

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Emam amina ŋina epol akilo ŋina ejalya ituŋanan akeekiyar aŋuna a ŋikonei keŋ.

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Akaakiciket iŋes na: tominin make, ikwaŋina akaminar ayoŋ iyes.

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

“Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

“Adau ayoŋ alimun ŋakiro ŋun, ikotere alelyan kaŋ eyakaun neni kus jik ka ikotere alelyan kus ilelebikin.

Ani kiricakis iyes ŋakiciketa kaŋ, idoŋete namina kaŋ, ikwaŋina ericakinia ayoŋ ŋakiciketa a Papa kaŋ, edoŋitor namina keŋ.

Ekecikakini ayoŋ iyes nu: tominin make.

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.