Versets bíblics populars de San Juan 10

Comparteix

’Ubanaha nna suntteba daa nua lhanana, uttina lhe utseꞌe lona lhe ttiaca neti nna delha utea elha nabani guele qui gatta xxeni elha nabani guele ttu dia lii.

Neti anca attiba ttu benni ruyú tseena ca carneꞌe gueniha. Nu ruyú tseena ca carneꞌe gueniha nna rerú iqui rerú leni rute elha nabani gueni cuenta gue ca carneꞌeha.

Ca benni anca attiba carneꞌe quia nna gua rienbaquinna tsiꞌa rinnea. Neti nna anca biatia cana, lacana nna denocana neti.

Neti rutea elha nabani guecani qui aca bancana ttu dia lii, bittu tsia nitticana lhe nuttuguaba nu dhana ettattuana cana lo náya lhe.

Neti anca puerta du roꞌo curraliha. Benni gaꞌana atta dua nna gualába nua. Unnuha nna acana attiba ttu carneꞌe rería retaꞌabana lheꞌe curraliha, saxxacana nu gona lhe.

’Neti anca attiba ttu benni ruyú tsee ca carneꞌe gueni. Anca biatia ca carneꞌe anca quia, anáguaba ca nu anca quia nna anca biaguabaquinna neti.

Tata quia Benni betecana las náya nna xxeniru ra le Benniha atti nuxaba benni, larcala nna läganu dhana cuana cana lo nee. Tata quia nna neti nna ttuba ancatu.

Attiba tata quia anca bienie neti, anáguaba neti anca biaguatie. Neti utea elha nabani quia qui odiláya ca benni, attiba ttu benni re lo ca carneꞌe rerú iqui rerú leni elha nabani gueni rutena cuenta gue ca carneꞌeha.

Tsa läganu ettettuana elha nabani quia-ni, netiba rerú iqui rerú lasia na utea na. Neti nna anca nu ra xxeni leni. Denua nna raca quia utea elha nabani quia-ni lhe edía na attu libe lhe. Unní rá tata quia unia.

Jesús re ca benni seꞌe nía attu libe: —Neti nna gualíbatia ria, neti anca puerta du roꞌo currali atta retaꞌa ca carneꞌe-na.

Nu naxabana rena lo ca carneꞌeha nna atti rilenna daa sagueha nna ruseꞌe bixxina ca nua nía ruxunnina, cumu läga gueni ca nua, yaba le nu beaca gueni ca nua. Sagueha nna risinttebana rudaxxuna ca carneꞌeha, atti rutsiattebinna ca nua qui tsiacana gatti laduba.

Jesús re: —Neti nna gualíbatia ria le, nu bittu ritaꞌana daca roꞌo puerta gue currali atta yuꞌu ca carneꞌe-na, sinuqui attu atta subila ropina qui ritaꞌana ubanaba nua, nu rigúa sigá nu te gue benniba nua lhe.