Versets bíblics populars de San Juan 2

Comparteix

Unníba primer milagru beni Jesús lheꞌesi Caná nu re lo yu gue Galilea. Anía liba nna beleꞌe loe anque benni ra xxeni leni. Ca biꞌini rudheti ca tisa ruleꞌe nna güia lecabi guee.

Jesús becabie re: —Nana, ¿biaca neti la rálu aná? Läga chi bisía ura quia.

Jesús re ca benni beseꞌe aca mandadu gue laníha: —Gualodisá ca reꞌe-na inda. Lacana nna bodisá ttittican ca nua inda. Jesús redee cana: —Nnanna nna gualcuea saroꞌo gualsagüe nu anca sola-na. Lacana nna aníaba bencana.

Jesús becabie re cana: —Gualuttapa yotu-ni, neti nna lheꞌe tsunna ubisaba nna elhidha na attu libe.

Jesús uluꞌu xicuattebe ttu tuu. Leni unnuha nna bebeattebe iyába ca unnuha lheꞌeliꞌa gue yotuha lencana ca uꞌuna guecaniha lhe ca carneꞌe guecaniha lhe. Ca nu retsila belhiha nna bedhittebe ca belhi guecaniha, atti berixxi lottebe ca mexa guecaniha lhe. Ca nu ruttoꞌo bechaha nna re cana: —¡Gualebea ca unna ni! Bittu unle lisi tata quia yoꞌo raca iꞌiya lheꞌeni.