Versets bíblics populars de San Juan 6

Comparteix

Jesús re cana: —Neti anca ttaxtila rute elha nabani ttu dia lii. Benni itana len neti nna tsa lärgabi ttun nua, nu tsia leni neti nna tsa lärgabi ebis nua.

Espíritu gue Tata Do Iyyabaaha rute elha nabani guele ttu dia lii, läga bela gue cuerpu guele-na unná rute elha nabani guele. Ca tisa rinnea-ni nna ancaque gue Espíritu gue Tata Do Iyyabaaha rute elha nabani gue ca benni ttu dia lii.

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

Nu ruꞌu le Tata quia nna ancana, iyába ca benni odequi locani ugüiacana neti Xiꞌinie-ni, tsia lecani neti lhe ca unnuha gatta elha nabani guecani ttu dia lii, neti nna unia eyacaquinna attu libe gansi chi bisía sá lhuxa.

Jesús becabie re cana: —Tsia lele neti Benni udhelhe ni. Unní raca le Tata Do Iyyabaaha unle.

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

Simón biꞌini láguaba Pedro nna becabibi rábi: —Benni bananie riꞌitu, ¿núrua la len nua tsiatu ganna? Inqui sunruba lu rinne ca tisa rute elha nabani gatta ttu dia lii gue ca benni nna.

Neti nua anca ttaxtila rute elha nabani guadi iyyabaaha. Benni gona ben-ni nna aca banna ttu dia liiba iyyabaaha. Ttaxtila utea-ni nna anque cuinaga cuerpu quia, utea na qui ca benni seꞌe yies lo yu-ni nna gatta elha nabani guecani ttu dia lii.

Ni ttu benni lä isíana anátteba len neti gan läba Tata quia Benni udhelhe neti unie itana. Neti nna unia eyaquinna attu libe gansi chi bisía sá lhuxa.

Cumu netiba nua goadia iyyabaaha anca ttaxtila gue Tata Do Iyyabaaha rutea elha nabani gue ca benni seꞌe yies lo yu-ni.

Neti anca ttaxtila rute elha nabani ttu dia lii gue ca benni.

Jesús bedaxxuttebe ca ttaxtilaha. Dequide betee xquixaru leni Tata Do Iyyabaaha nna utidhittebe benniha gue iyába ca benni seꞌe nía. Aníaguaba benie len ca belhaha. Betebe nu uto iyárecha ca benni seꞌe nía bedaa belbaquinna. Dequide chi belin ca benni nna rátteba Jesús ca biꞌini rudheti ca tisa ruleꞌe: —Gualottupa iyárecha ca pedazu bexxa-na, qui tsa bittubi tsia latti.

Dequide chi bedácabi attiba tu gayu o xxupa kilómetro lo indattooha nna, biláquinbi Jesús ridee lo indaha dedee rebigue cuꞌe barcoha, lacabi nna usilhabaquinbi. Lee nna unnettebe re ca biꞌiniha: —Neti bunni. ¡Bittu gasinle!