Versets bíblics populars de San Lucas 17

Comparteix

Laniala rá Jesús unbiyuuha: —Bedulí beyya, cumu de güia lelu neti nuarca beacalu.

Masquiba gasi libe unna nu bittu anca tsee len lu lheꞌe ttu sá, nianna gasi libeguaba isíana innána: “Neti nna rexiyyatia gue nu benia”, lu nna dhílu elha xen lasi gueni.

Atti biláni ttu ca unnuha chiba beacana, bequittebana, ribesiꞌanina ribequi xenna Tata Do Iyyabaaha. Lana nna bedútteba xibini lo Jesús axta liba binna lo xeani lo yu, betena xquixaru len Benniha de beonie na. Unbiyuu-ni nna beaca lasni Samaria.

Larcala ¡gualdo cuidadu! ’Gansi ttu ca benni ria le ca tisa quia-ni unna ttu nu bittu anca tsee len lu, unne lenna qui bitturu unna anía. Gansi odú xiyyanna gue nu bennaha, lu nna uxi elha xen lasi gueni.

Jesús re: —¿Si läba tsii xa ca unní beaca nna? ¿Nala a jaa (9) ca unnuha?

Jesús becabie re cabi: —Gansi lebiꞌi ria lele ladiba saroꞌoto attiba ttu besi gue coana murtasa ancana nu chicaꞌato, lania nna guacaba gále yaga du-ni: “Bilupi atta yadalha nna güia beyada lo indattoo-na.” Yagaha nna gudobana tisa guele.

Nu unna odilá elha nabani gueni nna unnittiba nua elha nabani gueni, benni unnitti elha nabani gueni lo niꞌa quia nna aca banba nua ttu dia lii lo Tata Do Iyyabaaha.

Jesús re ca biꞌini rudheti ca tisa ruleꞌe: —Labíaba tseꞌe nu unna ixú yie ca benni uncana nu bittu anca tsee lo Tata Do Iyyabaaha, ttiaca ¡carusiꞌiru benni unna un adí ca nua nu bittu anca tsee! Tseerla salían na uxxicacan ttu iyya gue ttu mulinu xeni yienni atti udelhacan na lheꞌe indattoo, attichula unna uni ttu ca benni bittu chi seꞌe tsitsi lo neda gue Tata Do Iyyabaaha ttu nu lä anca tsee.

Attiba ucaba tiempu atti udo Noé, aníaguaba aca atti isía sá esíaya neti Benni unbiyuu daa iyyabaaha. Ca benni useꞌe lania nna uyuꞌubacana go lhe güeꞌeya lhe güetsaa ná lhe axta liba bisía sá atti utaꞌa Noé lheꞌe barcoha, lania nna bisía ttu iyya lhá, nianna iyábacana utticana.