Versets bíblics populars de San Mateo 8

Comparteix

Jesús becabie re: —¿Biaca rasixxattinle? ¿Si itú ttuaba bittu chi ria tsitsi lele neti? Laniala guadhattebe bedhaca dise beha lhe indattooha lhe. Nianna siba beacatteba lo indattooha.

Soldadoha nna becabina rána: —Xa Tata, neti nna lägabi elha ralha gaꞌalu lheꞌe yoꞌo quiaha. Niba na dulu, careꞌaba ttu tisa unnee nna nu riben sina quiaha nna eyacabana.

Atti bienin Jesús nu rá nua nna bebanbanie gue nua. Laniala bodequi loe re ca benni dia denalha: —Neti nna gualíbatia ria: niba ttu ca benni quia anca benni Israel bittu chi guattiꞌaya ria tsitsi leni atti ria le unbiyuu-ni.

Laniala rá Jesús soldado gue Romaha, nu banani adí ca soldadoha: —Beyya. De güia lelu güeyacaba uncuitiha nna aníaba aca. Uncuiti riben sina gue soldadoha nna snatteba lania beacana.

Ca biꞌiniha nna rebantsitsiabaquinbi rácabi: —¿Nú benni biꞌini du-ni? Nuarca axtaba be-na lhe indattoo-na lhe rudocana tisa guee.