Versets bíblics populars de Jɔ̃́ɔ́ 19

Comparteix

Ké Jízɛ̀ nyɔ́ɔ ma mú, ké ɔ ɖá, “Ɔ ɖǎ hwɛ̀.” Ké ɔ taɓa ma dú hwuɖu, ké ɔ mɛ́ ma.

Ɓó tia múɛɛ, Jízɛ̀ dyuòɛ̀ ma dyí kà ɓɛ́ ɖɛ séín ɖǎ ma gbɔ hwɛ̀ kɛ. Ɖɛ ɓɛ́ Gèɖèpɔ́ɔ̀-cèè-ɖɛ̀ɔ̀ cɛ̃ maa ké jǎà kpá jèɛɛ, ɔ ɖá, “Ní-ná-tò nyu ḿ ní.”

Jízɛ̀ dyé ma ɔ ɖe kè ɔ ɖeín-nà-nyɔ̀ ɓɛ́ ɔ ɖɛ̀ɓɛ̀ ma kà múɛɛ ɓó. Ɔ jèɛɛ, ɔ cɛ̃ɛ ma ɔ ɖe gbo, ké ɔ ɖá, “Noò, nì dyú-gààɔ̀ nìàǒ wɛ̀.” Ké ɔ cɛ̃ɛ ma ɖeín-nà-nyɔ̀ɔ̀ gbo, ké ɔ ɖá, “M̀ ɖe nìàǒ wɛ̀.” Sɔ̀ìn ɓó tia gboɛɛ, ɖeín-nà-nyɔ̀ɔ̀ kpa ma ɔ ɖé ɔ ɓíɖí-taún, ɓɛ́ ɔ ké ma ɖé nì.

Kɛɛ ti ɓɛ́ wa dyɛ̀ìn ma Jízɛ̀ kɛɛ, wa dyéɛ ma kà ɔ ɖǎ ma mɛ́ɛ. Ɔ jèɛɛ, wa se ma ɔ ɓo jaɖa. Kɛɛ sójà ɓěɔ̀ ɖò taɓa ma Jízɛ̀ ɖí wáún. Ké wàɖà cá kɛɛ, ní kè nyɔmɔɔ sɔ̀ ma ɔ mú.

Ɖɛ nìà kɛ kpá ma, ɓɛ́ ɖɛ ɓɛ́ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ ké jǎà kpá. Ɖɛ ɔ cɛ̃ maa, ɔ kɛ̀. Ɔ ɖá, “Ɔ kpá ɖò se jɛ̀ɖɛ̀ɛ̌ mu dyɛ mɔ̀ùn.” Ké Gèɖèpɔ́ɔ̀-cèè-ɖɛ̀ɔ̀ dà ɖò cɛ̃ɛ ɖe, ké ɔ ɖá, “Wa mu nyɔ ɓɛ́ wa taɓa ɖíɛɛ dya gmɔ̀ùn.”

Ti ɖɛ ɓěɛ̀ ɖǎ ma dyi ziɛɛ, wa kpɔ̃ ma Jízɛ̀, ké ɔ ɓéɖé ma ɔ mìɔùn nììn kɔ́ɖɔ́sìɔ̀. Ké wa nyini ma ɖé pá wa ɖáìn “Nyɔǔn-dù-kpà” kɛɛ mú. Ɖé Híìbúɖúù-wùɖù múɛɛ, wa ɖáìn páɔ̀ Gɔ̀gɔ́tà.

Ké wa fíá ma wí-gbɛ̌ɛ̀ ɖò, ké wa dèɛ̀n ma ɔ dú, ké wa gba ma ɔ ɖɔ dyéɖé ɖàɓàìn kpèɛ̀ ɖò kɔ̃in.