Versets bíblics populars de Ɖúù 16

Comparteix

Nyɔ ɓɛ́ wa ɓɛ́ìn hwòɖǒ kɔ̃ dèɛ̀ ɖé ɖɛ tííwè múɛɛ, wa ɓɛ́ìn ɔ hwòɖǒ kɔ̃ dèɛ̀ ɖé ɖɛ vɛ̀nɛ̀ mú ɖekè. Ké nyɔ ɓɛ́ ɔ nyu gbá-gbá ɖé ɖɛ tííwè múɛɛ, ɔ mu gbá-gbá nyuùn ɖé ɖɛ vɛ̀nɛ̀ mú ɖekè.

“Nyɔ ɖò se wuɖuí-kɔ̃̀-nyɔ̀ sɔ̃́ gǐì jǔɛ ɓɛ́ìn. Ɔ mu dyúáɖò mú nyɛ́ìn, ɓɛ́ ɔ ké nyɔ tɔ̀ɔ̀ mú ɖɛ̀ɓɛ̀. Mɔɔ ɔ mu dyúáɖò jè dyi kpɔ̃ùn, ɓɛ́ ɔ ké se nyɔ tɔ̀ɔ̀ ɖɛ ɖá. Ɓě se Gèɖèpɔ́ɔ̀ gǐì jǔɛ ɓɛ́ìn, ɓɛ́ ɓě ké bã-ɖɛ̀ ɓě nììn gǐì jǔ ɖekè.”

Ɔ jèɛɛ, ɔ jǔ ké ɓě se hwòɖǒ-kɔ̃-dè-nyɔ̀ ɖé ɓóɖó-kpàà bã-ɖɛ̀ ɓěɔ̀ múín, nìí, nyɛ́ ɓɛ́ìn ɓě hwòɖǒ kɔ̃ dèɛ̀, ɓɛ́ ɔ ké ɓě ɖɛ ɓě ɓɛ́ wa mɔ̀ bã-ɖɛ̀ jɛ́ɛ́ kɛɛ nyíɛ́? Ké ɔ jǔ ké ɓě se ma hwòɖǒ-kɔ̃-dè-nyɔ̀ ɖé nyɔ ɖòɛ̀ kɔ̃̀ɔ̀-ɖɛ̀ múín, nìí, nyɛ́ ɓɛ́ìn ɓě ɖɛ ɓě kɔ̃̀ kɛɛ nyíɛ kɛ́?

Kɛɛ Ééɓòɖòhɛ̃́ɛ̀ ɖá, ‘Ɔ jǔ ké wa se Mózè kè kpáá-ɖɛ̀-cɛ̃-nyɔ̀ ɓěɔ̀ wuɖu ɓěɔ̀ ɖùǔ gbo tòǐn, wa se jǎà poɛ́ mu, kɛbì nyɔ ɖò mɛ sɔ̀ gĩɔ, ɓɛ́ ɔ ké wa gbo muɛ.’ ”

“Nyɔ mɔ̀ nyɔ ɓɛ́ ɔ ɓɔ́ ɔ gmàà, ké ɔ kpɔ̃ màa kà kò ɖò dyiɛɛ, ɔ po gmaɖe. Ké nyɔ mɔ̀ nyɔ ɓɛ́ ɔ kpɔ̃ màa ɓɛ́ ɔ kè ɔ dyú-ɓǎ ɓɔ́ìn nyɛ dyiɛɛ, ɔ po gmaɖe ɖekè.