Versets bíblics populars de Ɖúù 6

Comparteix

Ɓě mɛ nyí nyɔǔn ɖɛ, ké Gèɖèpɔ́ɔ̀ mu ɓě mɔ̀ùn ɖɛ nyíìn. Dɛ̀ wa muɛ ɖàɓàìn nyɛɛ mu dyíìn té-té, ké wa muɛ kɔ̃in nyɛ́ìn, ké wa muɛ dyi kɔùn, ké ɔ mu dyi wáɖáìn, ké wa muɛ ɓě nyíìn. Sepóɛɖé ɖɛ ɓě nyí nyɔǔn wɛ̃ɛ mɔ̀ ɖɛ ɓě mu dyéìn ɖekè.”

Nyɔ kɔ̃̀ kpeɖe nɔ̀mɔ̀ dyíin nyɛɛ dè ɔ kpeɖe nɔ̀mɔ̀ dyíinɔ̀ dyi kà nyɔ dèà ɖɛ ɖò dyiɛ. Ɔ jèɛɛ, ɔ nyu ɖɛ nɔ̀mɔ̀ dyíin nyɛ. Ké nyɔ kɔ̃̀ kpeɖe nyìnììn dyíin nyɛɛ dè ɔ kpeɖe nyìnììn dyíinɔ̀ dyi kà nyɔ dèà ɖɛ ɖò dyiɛ, ké ɔ nyu ɖɛ nyìnììn dyíin nyɛ. Sepóɛɖé ɖɛ dyíìn ɖé nyɔ ɖò hwòɖǒ bũ̌ dyiɛɛ, ɖéɛ̀ ɔ cɛ̃.

Kɛɛ ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú, ké ɓě mɛ nyu wa nɔ̀mɔ̀ dyíin dyí. Ɓě mɛ po nyɔǔn kpaún, ké ɓě ní dè ɖɛ ɖò ɖe dyé jè hwòɖǒ kɔ̃. Nìí, ɓě mu pɛ́ɛ̀-ɖɛ̀ vɛ̀nɛ̀ dyéìn, ké ɓě mu Ɖɛɓíɔ́ɔ̀ dyú ɓě jǔùn, sepóɛɖé ɔ nɔ̀mɔ̀ kpeɖeín ɓó nyɔ ɓě seà ɔ zùo-po-hwòɖò ɓéɖéɛɛ gbo, ké ɔ nɔ̀mɔ̀ kpeɖeín ɓó ɖɛ-gbà-nyu-nyɔ̀ ɓěɔ̀ gbo.

Ɓě mɛ dyé nyɔǔn wìǐn kà ɓě Ɓǎ dyéà nyɔǔn wìǐn nyɛ.

“Ɓěǐn ɖá ɓɛ́ ɓě ké nyɔ tɔ̀ɔ̀ ɓě zaa wɔ̃ po, ɓɛ́ Gèɖèpɔ́ɔ̀ ní kɔ̃̀ ɖà ɓě nììn zaa wɔ̃ po. Ɓěǐn ɖá ɓɛ́ ɓě ké nyɔ tɔ̀ɔ̀ ɓě zaa kpɔ̃̀ìn, ɓɛ́ Gèɖèpɔ́ɔ̀ ní kɔ̃̀ ɖà ɓě mɔ̀ùn zaa kpɔ̃̀ìn. Ɓě mɛ zĩ̀ìn ɓě mǔè ɓěɛ̀ ɖɛ gbà kɔ̃in, ké Gèɖèpɔ́ɔ̀ mu ɓě nììn ɖɛ gbà ɓěɔ̀ kɔ̃in zĩ̀ìn ɖekè.

“Kɛɛ ḿ cɛ̃ ɓě mɔ̀ nyɔ ɓě nìà ḿ ɖùǔ gbo tòɛ̌n nyɛɛ ɖɛ nìà kɛ gbo. Ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú. Ɓě mɛ nyu nɔ̀mɔ̀ dyíin nyɔ ɓě nyɛ́ ɓě múɛɛ dyí. Ɓě mɛ po nyɔ ɓě ɓɛ́ wa gboò ɓěɛɛ mana kɔ̃. Ɓě mɛ ɓaà ɓó nyɔ ɓě ɓɛ́ wa kpɔ̃ ɓě gbà-kà kɛɛ bìì.

Ké ɖɛ ɓě mɔ́ ɓɛ́ nyɔǔn ké ɓě bũ̌ nyuɛɛ, ɖéɛ̀ ɓě mɛ nyu wa mɔ̀ùn bũ̌ ɖekè.

Nyɔ ɖò dyi ɓě kpá ga taɓa ní, nìí, ɓě mɛ tò ɓěɛ̀ ga tɔ̀ɔ̀, ɓɛ́ ɔ kéɛ kpá taɓa ɖekè. Nyɔ ɖò dyi ɓěɛ̀ kótì kpa ní, nìí, ɓě mɛ wɔ̃́ ɓɛ́ ɔ ké ɓěɛ̀ wáɖá-ɖɔ̀ɔ̀ kpa ɖekè. Nyɔ séín mu ɓě ɖɛ zɔ̀ìn wɛ̃ɛ, ɓě mɛ nyíɛ wa. Nyɔ ɖò dyi ɓěɛ̀ kɔ̃̀ɔ̀-ɖɛ̀ ɖò kpa ní, ɓěǐn ɖá ɓɛ́ ɓě kéɛ jè dyi diè ɖe.

“Cu-gɔ̃̀ nɔ̀mɔ̀ dyíin ní tòɖò ɓo nyìnììn kɔ̃in, ké cu-gɔ̃̀ nyìnììn dyíin ní tòɖò ɓo nɔ̀mɔ̀ kɔ̃in.

Wa dyuò cu-gɔ̃̀ séín dyí dyììn ɖé ɓo wa tòɖòɛɛ mú. Nyɔ ní kpã́ féè-ɓò wí-cù dya, ké nyɔ ní kpã́ géɖéè-ɓò cu-gbɔ̌ ɓéɖé wí kɛɛ dya.