Versets bíblics populars de Lúù 14

Comparteix

“Mi lɛ́ è nu m píéa, lɛ̀ɛ́ bɛ̀i kɛɛ̀ tò‐m‐píé‐mì ká, yé à dàa wà à lòóò, ɛ̃́ɛ̃́ à na, e bɛ̀i là nɔ́ɔ̀, à lèe‐gé gɔ̃à zɛ̀ ɛ̃́ɛ̃́ à loà zɛ̀, é dàá e dìè‐tĩ́ bàa, yé o lɔ̀ lɛ̀ɛ́ nyɛ à mɔ̀ɔ ká.

Mi lɛ́ lɛ̀ɛ́ e zì kɔ́lɔ́sì vũ, áà tòá m píéa, lɛ̀ɛ́ bɛ̀i kɛɛ̀ tò‐m‐píé‐mì ká.

Ƃii mia séĩ́ lɛ́ ò o dìè si lɛ̀ía, óò lo nuù o ká tã́ã̀. Ɛ́ɛ̃́ mia yé ò lo o dìè ká tã́ã̀a, óò lo o síì lɛ̀í.”

À mɔ́ɔ̀ wɔ̃̀ mɔ̀ɔ, míá ka kéa, ka dò nɔ́ɔ fé lɛ̀ɛ́ bɛ̀i kɛɛ̀ tò‐m‐píé‐mì ká, yé lɛ̀ɛ́ e wè dà pɛ séĩ́ lɛ́ lɛ à kɛ̀lɛ̀ɛ lɛ̀ɛ ká.

Yé ka dò aà naa é ká gbèkèni dò dɔɔ, lɛ́ɛ̀ yà tã́ã̀ nɛ́, tó e pɛlèe lɛ́ è lo lóò káa mɔ̀ɔ, yí gɔ̃́ nɛ́, kɛɛ é kɛ̀á pɛlèe a kɛ̀lɛ̀ɛ lɛ kpã́‐kpã̀ kɛ é káa nyɛɛ, kɛ á yí dɔ. É gɔ̃̀á kɛɛ̀ kília, yé aà nyɛ ká e kília gã̀‐gbɛ̃̀à‐là kpɔ́ɔ́ kṹũ̀ mɔ̀, tó bɛ̀i wá gbaa à mɔ̀ kɛ é nyɛ káa dìè dɔɔ̀ mɔ̀ɔ, mia séĩ́ lɛ́ waà wɔ̃́ e kéa kɛpìà gɛ̃̀ɛ, óò lo yéí síì à mɔ̀. Óò lo à gèeè kélɛ̀, ‘Gɔ̃́ e kéa e gbɛ̃̀ áà ká dɔ̀, kɛɛ lɛ̀ɛ́ bɛ̀i gbaa à líé nyɛɛ̀.’

Í kpílì kɛ̀áa, ì mia lɛ́ pɛ wá o kɛ̀lɛ̀, mia zùaàa zɛ̀, mia kpɔ́lɔ̀ɔ zɛ̀ ɛ̃́ɛ̃́ mia nyìɛ káàa zɛ̀ súo kɛ à là. Yé aà kɛ kília, lúà lɛ́ɛ̀ lo kpɔ́ɔ̀ i mɔ̀. Ƃii bɛ̀i wá o mɔ̀ kɛ ó wɔ̃́ ɓa kɛ o lɛ̀ɛ, sɔ̃̀ɔ̃́ nɔ. Wálà lɛ́ɛ̀ lo i fɔ́nɔ́ nɔɔ̀ yé mia kpeĩ waà wɛ̀lɛ̀ ga kɛ̀lɛ̀ɛ ká.”

“Wèĩ lɛ sɛ̀. Kɛɛ yé aà e zì kɛ̀ nɛ́ĩ́‐nɛ̀ĩ̀‐kɔ̀ gínia, zi sùu kpɛɛ̀ lɛ́ è bɛ̀i à mɔ̀ é kɛá nɛ́ĩ́‐nɛ̀ĩ̀ zeĩ́? Ye wá bɛ̃̀ɛ̃ sɛ̀ sɛ́lɛ́ wɛ̃́ĩ̀, ɛ̃́ɛ̃́ ye wá bɛ̃̀ɛ̃ sɛ̀ à kɛ̀ dṹṹ ká wɛ̃́ĩ̀. Óò lo à dùò luú. Mi lɛ́ à tóó è wɔ̃́ maa, è e tóó dɔ.”