Versets bíblics populars de Yaya 2

Comparteix

At Yetut nen ineenu ariyak inagabiti warak mendek aa'nduk lombok eereegerak nogo ti, o Nggalileya yaga'lelo Kana nogome logonet, eereegerak ti aret. Time logonet, at tiyanak menggerak nogo abok paganeegerak me, at oone waganggwi nogo iniki at oba panggombunuk, abet mbareegwaarak.

Yoge mbareegi, at Yetut nen, “An eeke logorak eyom awo panggoni waga'lek me, nagalo kat nonggop nduk, an yo'nege agandik?”

At Yetut nen aap laago unde ayeloman mini nogo yorage logonet, “Togolowak time niyo eno korok togon too'nip o,” yorage mbareegi, eno korok togon tooleegwaarak. Tooko mbareegwa, Yetut nen, “Yogondak! Niyo ando toologo aap laago unde ti, wogori nanip o.” Yorage mbareegi, toologo wogori nogogwaarak.

Yinuk, inoone panggok togon yogo mbareegwa, at Yetut nen, “Lek o. Ala awi wurik yi, minogo pinip o. Minogo pugwi kiinok, wuke neegak, nogo mbere aret yumunggup o.”

Eekwi enegen iige nagagerik, ligi laanak waganogo muun yawi negen ogobakkigippunuk, ndomba tapi abok aret Ala awi wurik me nen teerogo wumbiige, ndi, it aap wu onggo-onggo eekwi nogo inageyo ndoonak ogobakkigirik abut laganogo nggimbege, inawu nogo a'nggan yumbunik-telenak eerogo nappege, eereegerak. Eeke nagagerik, it towe puume onggo mbanggwi nogo yorage logonet, “Towe yi apit aret wogoret nanip o. Kit an nogoba awi wurik me yime, yi mendek ndi mendek kunggo menggam negen eerogo pogotak me, neebi a,” yinuk, yoragagerak.