Versets bíblics populars de MATIUS 18

Comparteix

Daya hang awe naan rueh atawa telu kaulun bakumpul daya gana aku, aku naan hang penah-penah here.”

Kamulek patut naun karasa pada: Amun hang sasameh naun hang dunia yiti rueh kaulun mira pakat neu inun heneng nelang badoa neu yiru, doa yiru sagar napulur daya Ambahku hang surga.

Yesus nerau erang kaulun iya rumis, palus ngapinri hanye hang hadapan here. Balalu yesus kaeau, “Parisayaleh! Ekat amun naun miubah nelang jari kala iya rumis, naun sagar jari ulun wat Alatalla.

Ulun sa nyanrandah dirini nelang jari kala iya yiti, hanye sa pangahante teka kawan ulun wat Alatalla.

Kamulek ulun sa narime iya kala yiti daya gana aku, baarati hanye narime aku.”

“Patut naun karasa: Inun sa nauring naun hang dunia, yiru pada nauring hang surga. Kamulek inun sa naeau naun iyuh hang dunia, yiru pada iyuh hang surga.

Yesus nyanuput saritani makai lengan yiti, “Kalayiru pada Ambahku hang surga sagar nampalus ma naun katuluh, amun naun puang rela ngampun pulaksanainu anri ikhlas.”

“Hie sa ngulah sabab isa teka kawan ulun sa rumis yiti puang parisaya lagi ma aku, labis maeh amun watu gilingan naawet hang diungni palus hanye nasaneteng hang laut sa lalem.

Kalaawe pandapat naun? Umpamani naan erang kaulun uweng jatuh kaukui babiri, balalu erang kaukui teka kawan babiri yiru tawang, inun sa sagar naulah daya ulun yiru? Himat hanye nanan babiri suei pulu suei kaukui yiru hang padang rikut palus tulak ngantilau sa tawang yiru.