Versets bíblics populars de YESAYA 65

Comparteix

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

Ki TUHAN in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

Intau in moposindogbí in baḷoi bo mogutun kon tua tontaní; intau ibanea in diábí mogutun kon tua. Mosia in momuḷabí kon gobá in anggur bo monginum kon tubig in anggurnea; intau ibanea in diábí monginum kon tua. Umat-Ku in moumurbí in kobiagannea naonda bo pangkoi in kayu, bo mokaan kon bungai in ḷopí monia.

Ki adínea mita diábí in matoi kon tungkuḷ mointokpa, bo intau mogurang mokodapotbí kon umur moḷanggó. Intau inta umur mogatut notaong in inanggapbí nobagupa, bo inta minatoi noiuna kon tua in inanggap kinotugatan in hukuman-Ku.

Serigala bo ki adí in domba in tumpaḷa mokaan kon bonok; singa in mokaan kon wawa naonda bo sapi, bo uḷag in diá bidon mokoanib. Kon sinangkub in tombuḷud-Ku inta motusi, diá bidon in mokorugimai andeka momia kon inta moraat.”

Akuoi tontaní in mosanangbí popisí in Yerusalem, bo moḷunganga in gina popisí in intaunea. Kon kotá tatua in diá bidon in ombaḷ, bo diá bidon in kuani mokituḷung.