Versets bíblics populars de YOËL 2

Comparteix

Ki TUHAN in noguman, “Táe tanaa mako, pobuidon mangoi kon i-Nakó takin ḻimbatú in gina, sindaḷan mopuasa, mogamui bo mongombaḷ.

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

Bisi-bisídon in ginamu deemanbí ḷambungmu!” Pobuidon mangoi kon i TUHAN Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

Táe ki ine in mokituḷung kon i TUHAN, in posaḷamatonbí. Ki TUHAN in noguman, “Kon Yerusalem intau mita inta piniḻí-Ku in mosaḷamatbí.”

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i TUHAN, singgai inta motoyang bo mokokoningkim!