Versets bíblics populars de YOANES 3

Comparteix

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

Ambara an nebem inndi angin tubu yuwa nap na enpem-e lak tak unpurak wene mbaruwa bug-o. Nde, inndi angin tubu yigit lak nab-e Mbal Pem Nagawan Ambara misiget nderak an nebem inndi angin tubu yigit lak me, it enpem-e lak tak unpurak wene-ge mondok mbarak puruk worasu-o.

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

Ar-e mondok kek yil lasola, an-e tebe yil mbosolar-e ob-o” luk yij-o.

Nde, meya nak kwarugwi nap-nen-e yaya iri insili rak puruk, it meya yugwi nam tak puwa naru, yaya na eram lobok yili bug-o.

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

”Nde, Musa-nen posid waro e bem perena karu me mendak pid iri na nggal-et Ap Ambara an-e mendak nubuwa iri-ge

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.