Versets bíblics populars de Ore i mexü̃ ga Luca ümatüxü̃ 14

Comparteix

—Rü ngẽxguma texé chowe rüxũxchaü̃gu, rü tanaxwa̱xe i choxü̃ tangechaü̃ tümanatüarü yexera, rü tümaéarü yexera, rü tümama̱xarü yexera, rü tümaxacügüarü yexera, rü tümaenexẽgüarü yexera, rü tümaeya̱xgüarü yexera, rü tümaarü maxü̃arü yexera rü ta. Rü ngẽxguma tama ngẽmaãcü choxü̃ tangechaü̃gu rü taxucürüwama aixcüma chorü ngúexü̃ tixĩ.

Rü yíxema nüxü̃ oxe nax chaugagu ngúxü̃ tingeãcüma chowe tarüxũxü̃, rü taxucürüwama chorü ngúexü̃ tixĩ.

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Rü ngẽxgumarüxü̃ tá ta nixĩ i pemax, erü ngẽxguma ngexerüxüxe i petanüwa tama ngéma tanawogügu i guxü̃ma i tüxü̃́ ngẽxmaxü̃ nax chowe tarüxũxü̃ca̱x, rü taxucürüwama aixcüma chorü ngúexü̃ tixĩ.

Rü ngẽxguma chi wüxíe i petanüwa rü wüxi ya ĩpata ya taxü̃ne taxüxchaü̃gu, ¿rü tama ẽ̱xna i tanangugüxíraxü̃ nax ñuxre i diẽrugu tá tüxü̃́ naxãtanüxü̃? Rü ngẽmawa nüxü̃ tacua̱x rü marü tüxü̃́ yangu i ngẽma tümaarü diẽru i tüxü̃́ ngẽxmacü nax tayanguxẽẽxü̃ca̱x ya yimá ĩ. Erü ngẽxguma chi tama mea tanangugügu i tümaarü diẽru nax ñuxregu tá naxãtanüxü̃ ya yima ĩ, rü norü caxtaxica chi itapugügu rü taxucürüwa chi tayanguxẽẽgu i ngẽma puracü, rü guxü̃ma i duü̃xü̃gü i nüxü̃ daugüxü̃ i ngẽma tümaarü puracü rü tá tüxü̃ nacugüe. Rü ñanagürügü tá: “Ngẽma yatü inanaxügü nax naxüpataxü̃, natürü taxucürüwama nayanguxẽxẽ”, ñanagürügü tá.

Natürü ngẽxguma wüxi i peta cuxü̱xgu, rü narümemae nixĩ i nüxna cuxu i duü̃xü̃gü i ngearü diẽruã̱xgüxü̃, rü duü̃xü̃gü i taxucürüwama puracüexü̃, rü ngẽma ichixeparagüxü̃, rü ngẽma ingexetügüxü̃. Rü tá cutaãẽxü̃chi i ngẽxguma erü nümagü rü taxucürüwa cuxü̃́ nanaxütanügü. Natürü tá cunayaxu i curü natanü i ngẽxguma wena namaxẽgu i Tupanaarü duü̃xü̃gü i mexü̃ —ñanagürü.

Name ya yucüra. Natürü ngẽxguma chi nangeacagu, ¿rü ñuxãcü tá wenaxarü naxããcaxü̃? Rü taxuwama name. Rü woo waixü̃müarü wamüanexẽẽruü̃ca̱x rü tama name. Rü ítanata̱xmare. Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.