Versets bíblics populars de Luka 14

Comparteix

Loku a munhu ata ka mina, na a nga vengi a raru wakwe, ni nyine, ni sati, ni vana, ni vanakulobye, ni vamakabye, ina, hambu ni kuhanya kakwe, a nga zi koti ku maha mupizani wa mina.

Kani himani a nga rwaliko a xihambano xakwe, a nzi lanzela, a nga zi koti ku maha mupizani wa mina.

Hakuva ni wihi a ti kulisako i ta koramiswa; ni loyi a ti koramisako i ta kuliswa.

Zinghaho ni wihi wa nwina a nga tsikiko zontlhe lezi a nga nazo, a nga zi koti ku maha mupizani wa mina.

Hakuva hi wihi wa nwina, loyi a lavako ku aka likhokhola, a nga rangiko hi ku tshama a hlayela ntsengo, aku kutani i nawo lowu a ta nga mbhetisa ha wona ke? Ku nga taku, laha na a akile xiseketelo, a nga zi koti ku mbhetisa, zonake vontlhe lava va zi wonako va sangula ku mu tseketsela, vaku: Loyi munhu i lo sangula ku aka, kanilezi i tsanzekile ku heta.

Kanilezi laha u mahako a mubuzo, ramba zisiwana, ni zirela, ni zilema, ni zikhumu; zonake u ta kateka, hakuva va vumala za ku ku tlhelisela ha zona; hakuva u ta tlheliselwa a kuvukeni ka valulamileko.

A munyu wu sasekile; kanilezi loku a munyu wu pswhama, wu ta lungwa hi yini ke? A wa ha vuni nchumu, hambu ku hunzuka misava, hambu kuva koho; wu hoxiwa lahandle. Loyi a nga ni tindleve ta kuzwa, ngha a ingisa.