Versets bíblics populars de Luka 17

Comparteix

Aku ngalo kakwe: Suka, u ti fambela; a kukholwa ka wena ku ku hanyisile.

Loku a ku onhela a ntlhanu wa makhati ni mambiri hi siku, a wuya ka wena ka ntlhanu ni kambiri, a taku: Nza ti sola, u ta mu tsetselela.

A munwe wa vona, laha a nga wona lezaku i hanyisilwe, i lo tlhela a wuya, na a dumisa Nungungulu hi gezu ga hombe. I lowa hi nghohe yakwe mikonzweni ya Jesu, a mu bonga; yena i wa hi muSamaria.

Ti tlhariheleni! Loku nakuloni a ku onhele, mu kawuke; loku a hunzuluka, mu tsetselele.

Jesu i lo wutisa, aku: Xana a va basiswangi hi wukhume gabye ke? Lava va ntlhanu ni mune va kwihi ke?

Hosi yi te ngalo: Loku mu wa hi ni kukholwa ku kotisa a mbewu ya xinapi, ngha muku ka sinya leyi ya nkuwu: Simuka, u ya byaliwa bimbini; yi wa ta mu ingisa.

Loyi a ta nga lava ku lonzowota kuhanya kakwe i ta lahlekelwa ha kona; ni loyi a lahlekelwako hi kuhanya kakwe i ta ku ponisa.

Jesu aku ka vapizani vakwe: A zi koteki lezaku a zikhunguvanyiso zi ngati; kanilezi khombo a give ka loye zi tako ha yena! Zi ngava zi sasekile ka yena, lezaku a ribye ga xigayo gi khonekwa nhanwini yakwe, a rikhiswa bimbini, a ku hunza a kuva a khunguvanyekisa munwe wa lava va tsongwani.

Kota lezi zi nga maheka masikwini ya Noa, zi tava nghaho a masikwini ya Nʼwana wa munhu. Va waga, vanwa, va teka, ni ku tekiwa, ku kala siku lego Noa a nga enghena ha gona lomo tarwini, ni ntalo wu lota, wu ta va lovisa vontlhe.