Versets bíblics populars de DEDI 15

Comparteix

I Àmbaràmu nawai-maya i MIRI, dàngu jia-duyaka ba tuna nu, i MIRI hi na-kataku-ya nyuna ba tau mali hàmuya na etina.

Hàlaka nu, i Àmbaràmu na-ngalangu harii mata dàngu narongu-ya i MIRI na mapanii dànya, “Àmbu mangàdatu Àmbaràmu napa kumangga-manggau welingu la hanggàmaru, dàngu napa kuwua-nggau wunda bokulu,” wànanya.

I MIRI na-karia-nya la hambeli i Àmbaràmu, hàla hi napanii dànya, “Tàngara-wa la awangu dàngu kau kamangu padiha-ha da kandunu; napa da wàla wuamu nyumu hama danguda nuda da kandunu,” wànanya.

Tunaka nu hili rongu-nanyaka i Àmbaràmu, i MIRI ba napanii dànya, “Nda na ata-amu na ma-kangeha-nja da pamangu-mu, tàka napa na anamu mini wikima,” wànanya.

I MIRI napanii-nya nyuna, “Namu-maya, napa da wàla wuamu danjadi tau tàka la tana tau; nyuda napa daata lai nàhu dàngu ba na-parajaku-ha lundu patu ngahu mbua ndaungu.

Tàka nanapa-ya i Àmbaràmu, “MIRI Mahupu-jangga, MIRI ndau wua-mangga duku ananggu nyungga. Napa na tau na ma-kangeha-nja da bandanggu, jia-maki-ayaka i Eliyehiru, na atanggu welingu la Ndamàhiku. Jia ba tuna MIRI nggàra lingu-napa bau wuangga wundanggu?” wàna.

Nu la rehina nuna-maka i MIRI ba natura-ya na pa-njanjingu-na dàngu i Àmbaràmu. Napanii i MIRI, “Ku-panjanjingu ba wua-nggunjaka da wàla wuamu napa na tana yiana nggubulu-na, piti welingu la padira tana Mehiru lundu toma la Luku Epuràtu

Ba patu ndalihu-naka na dedida, napa da ana umbuku-mu dabeli-ha lai yiahu, nadu ba ndedi kuwàngga-aha da tau Amori, jàka ndedi datoma-ya na pa-akatu wàda na malalu làmburu-na, hi lupa huku-manjaka bàdi,” wàna.