Versets bíblics populars de Kîam 9

Comparteix

Mûrungu aracoka arauga atîrî, “Rûrû nîru rwano rwa kîrîkanîro kîrîa nkûthithia naabuî na kinya biûmbe bionthe birîa bitûûraga mwoyo birîa birî amwe naabuî, nakîo nî gîa gûtûûra kenya na kenya. Ndîgwîka mûkûngambura jwaakwa matuune jwîthagîrwe jûrî rwano rwa kîrîkanîro gîaakwa na nthîgûrû.

Rîrîa mûkûngambura jûkoonekanaga matuune, nkajwonaga naani nkaaririkana kîrîkanîro gîaakwa gîa kenya na kenya kîrîa nkaathithîria na biûmbe bionthe birîa bitûûraga mwoyo nthîgûrûûne.”

Ûrîa wonthe ûkooraga muntû, akooragwa nî muntû ûngî, nîkwîthîrwa Mûrungu oombîre muntû ang'uaneene nawe.

Mûrungu nî aatharimîre Noa na ataana baawe, arabeera atîrî, “Ciaraneni na bûthegee na bûûjûre nthîgûrûûne.

Into bionthe birîa birî mwoyo bikaa biakûrîa bieenu, o ta ûrîa ndaabwere imera. Nandî ndîkûbwaa into bionthe.

Nî bweei nyomoo cionthe cia nthîgûrû, na nyoni cionthe, na nyamû cionthe irîa ciikuuragia na kîu na makûyû jonthe jarîa jakaraga rûûjîîne; nabio bionthe bibwaathikagîre na bibûkîrage.

Naabuî, ciaraneni bwingîe na bûthegee bûûjûre nthîgûrûûne kunthe.”