Versets bíblics populars de Yɔni 14

Comparteix

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yisa ya a fɔ ala karan-dannu ye ko, “Wo yisi kana tinya. Wo ni dɛnkɛninya Alla ma ka dɛnkɛninya nde fanan ma.

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

N si n Fa Alla matara. A si dɛnbɛnɛ-kɛlɛ-dogbɛrɛ lana, Allala Ni-Sɛnimɛ, kɔni, ado a si to wo fɛ habadan! A si Alla wara-koe lagbɛ wo ye. Dɛnkɛninyabɛlɛnu ti ke a sɔrɔnna bawo anu ti ke a yenna, ado anu ti ke a lɔnna lefan! Kɔnɔ wole ya a lɔn bawo a ye wo rɔ, ado a siginɛ si to wo yisi rɔ.

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ. Ni wo ya ko-wo-ko matara n tɔgɛ rɔ, n si wo ma wo ye.”

“Ni nde di wo ye, wo si nna kumɛnu bira.

Kan tina siyaman bi n Fa Alla warɛ. N bi tala ka kan tinɛ wonu tabɛn wo ye nyɔ. Ni a sa wo nya nun, n ti a fɔ wo ye ko n bi tala kan tinɛ wonu tabɛnna wo ye.

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Tamasi ya a fɔ a ye ko, “Mari, i ye tala kan min, ma ma nyɔ lɔn. Ma si nyɔ-kilɛ lɔn kama?”