तेखअ बोलअ पबित्र आत्मां फिलिप्पुसा का, एऊ नेल़ डेऊ और एऊए रथा संघा-संघा हांढ।
फिलिप्पुसै पुजअ ठुर्ही करै तेऊए रथा सेटा और सह मणछ शूणअ तेऊ परमेशरे गूर याशायाहे कताबा पहल़दअ। फिलिप्पुसै पुछ़अ तेऊ का, “तूह ज़ुंण पहल़ा, तेता तूह समझ़ा बी कि नांईं?”
तेऊ दैनअ ज़बाब, “ज़ेभै तैणीं मुंह कुंण नांईं समझ़ाऊए, ता तेभै तैणीं किधी च़ाल्लअ हुंह समझ़ी?” तेखअ की तेऊ फिलिप्पुसा का अरज़ कि मुंह संघै बेश मेरै रथा दी।