Versets bíblics populars de युहन्ना 13

Comparteix

“ऐबै दैणीं मुंह तम्हां लै एक नऊंअ हुकम कि एकी दुजै संघै डाहा झ़ूरी, ज़ेही मंऐं तम्हां लै झ़ूरी की तेही झ़ूरी करा तम्हैं एकी दुजै लै। ज़ै तम्हैं आप्पू मांझ़ै झ़ूरी डाहे, तेता करै बछ़ैणनै तम्हैं होरी लोगा बी कि तम्हैं आसा मेरै च़ेल्लै।”

ज़ै मंऐं गूरू और प्रभू हई करै बी थारै खूर धोऐ, ठीक इहै ई लागा तम्हां बी एकी दुजे खूर धोणैं। किल्हैकि मंऐं रहैऊअ तम्हां का करी करै, कि ज़िहअ मंऐं तम्हां संघै किअ, तिहअ करा तम्हैं बी।

ईशू दैनअ तेऊ लै ज़बाब, “ज़ुंण हुंह एभै करा, अज़ी निं ताह एते समझ़ आथी, पर तेखअ जाणअ तूह समझ़ी।”

हुंह खोज़ा तम्हां का सत्त कि टैहलू निं आपणैं मालका का बडअ हंदअ, नां शधाणूं आपणैं छ़ाडणैं आल़ै का बडअ हंदअ।

“तम्हां का आसा इना गल्लो थोघ, पर परमेशर हणअ तम्हां करै तै खुश ज़ै तम्हैं तिहअ ई करे।

रोटी खाणैं का उझ़ुअ खल़अ और आपणीं घेरी का खोल्हअ आपणअ च़ोल़अ और गाचू बान्हअ आपणीं कुछी। तेखअ लागअ डबरू दी पाणीं भरी आपणैं च़ेल्ले खूरा धोंदअ और ज़ुंण गाचू कुछी बान्हअ द त, तेता करै लागअ तिन्नें खूरा टुशदअ।