Versets bíblics populars de युहन्ना 15

Comparteix

“हुंह आसा अंगूरे लऊंण, तम्हैं आसा शाण्हटी, ज़ुंण मुंह दी टेकी रहा, और लऊंणी दी आसा, तेथ लागा खास्सी फसल, किल्हैकि मुखा ज़ुदै हई करै निं तम्हैं किछ़ै करी सकदै।

तम्हैं रहा मुंह दी टेकी, और हुंह रहूं तम्हां दी, ज़ेही शाण्हटी अंगूरे लऊंणी दी टेकी नां रहे, तै निं सह आपणैं आप फल़ दैई सकदी। ठीक तिहअ ई ज़ै तम्हैं मुंह दी टेकी नांईं रहे, तै निं तम्हैं फल़ दैई सकदै।

“ज़ै तम्हैं मुंह दी टेकी रहे और मेरै साबै आपणीं ज़िऊए, तै तम्हैं ज़ुंण बी मांगे सह भेटणअ तम्हां।

तम्हैं निं हुंह छ़ांटअ पर मंऐं छ़ांटै तम्हैं और एते तैणीं डाहै कि तम्हैं फल़ दैई सके और थारअ फल़ कबल्लअ रहे कि तम्हैं मेरै नांओंए बाप्पू परमेशरा का ज़िहअ बी मांगे, सह तम्हां लै दैए।

एता का खास्सी झ़ूरी निं कोहिए आथी कि कोई आपणैं साथी लै ज़ान दैए।

ज़ुंण शाण्हटी मुंह दी आसा, और फल़ नांईं दैंदी, सह पाणीं तेऊ काटी। ज़ुंण शाण्हटी फल़ा दैंदी होए, तेते करनी तेऊ छांग ताकि होर बी खास्सी फसल होए।

“मेरअ हुकम आसा अह कि ज़ेही झ़ूरी मंऐं तम्हां लै की, तेही झ़ूरी करा तम्हैं आप्पू मांझ़ै एकी दुजै संघै।

तम्हैं हणैं मेरै असली च़ेल्लै ज़ेभै तम्हां दी खास्सी फसल पज़े एता करै शुझिआ मेरै बाप्पू परमेशरो प्रतप।

“सच्च़ी अंगूरे लऊंण आसा हुंह, और मेरअ बाप्पू आसा ज़िम्मींदार।

ज़ै कुंण मुंह दी टेकी नांईं रहे, ता सह शोटणअ धरना लै ज़ेही शुक्की दी शाण्हीं शोटा और लोग निंयां तिन्नां झाल़ी करै आगी जैंदरी दहणा लै और तिंयां दझ़ा आगी जैंदरी।

मंऐं बोली तम्हां ई का ईंयां गल्ला एते तैणीं कि मेरी खुशी तम्हां दी बणीं रहे और थारी खुशी पूरी होए।

ज़ै तम्हां मेरअ हुकम मनें, तै रहणैं तम्हैं मेरी झ़ूरी दी टेकी, ज़ेही मंऐं आपणैं बाप्पू परमेशरो हुकम मनअ और तेऊए झ़ूरी दी रहअ टेकी।

ईंयां गल्ला बोली मंऐं तम्हां लै तै कि तम्हैं एकी दुजै संघै झ़ूरी करे।

ज़ै तम्हैं एऊ संसारे हंदै, तै करनी ती संसारे लोगा तम्हां लै झ़ूरी। पर तम्हैं आसा हेरै दै संसारा का ज़ुदै छ़ांटी तैही डाहा एऊ संसारे लोग तम्हां संघै ज़ीद।