Versets bíblics populars de युहन्ना 17

Comparteix

तेरै बैण आसा शुचै, तिन्नां कर सत्ता करै आप्पू लै ज़ुदै।

सदा रहणैं आल़ी ज़िन्दगी अह कि तिंयां ताह शुचै परमेशरा और मसीहा ईशू ज़ुंण तंऐं छ़ाडअ द आसा तेऊ बछ़ैणीं सके।

“हुंह निं सिधी इना मेरै च़ेल्लै लै ताह सेटा अरज़ करदअ। पर हुंह करा तिन्नां लै बी अरज़ ज़ुंण इने गल्ला शूणीं करै मुंह दी विश्वास करे। तिंयां सोभ लोल़ी एक हुऐ। ज़िहअ हुंह ताह दी आसा, तिहै ई लोल़ी तिंयां हाम्हां दी हुऐ, एते तैणीं कि एऊ संसारे लोग विश्वास करे कि तंऐं आसा हुंह छ़ाडअ द।

ऐबै निं हुंह ताह सेटा एही अरज़ करदअ कि तूह च़क तिन्नां एऊ संसारा का। पर हुंह करा एही अरज़ कि तिन्नां डाहे तेऊ कदुष्ट राख्सा का बच़ाऊई।

“सह प्रतप ज़ुंण तंऐं मुल्है आसा दैनअ द, सह आसा दैनअ द मंऐं तिन्नां लै कि तिंयां लोल़ी तिहै एक हुऐ ज़िहै हाम्हैं एक आसा। हुंह तिन्नां दी और तूह मुंह दी; कि तिंयां सिध्द हई करै एक हई सके और एसा गल्लो संसारा का थोघ लागे कि तंऐं आसा हुंह छ़ाडअ द। ज़ेही झ़ूरी तंऐं मुल्है की तेही की तंऐं तिन्नां लै बी।