Versets bíblics populars de युहन्ना 7

Comparteix

ज़िहअ पबित्र शास्त्रा दी आसा लिखअ द, ‘ज़ुंण मुंह दी विश्वास करे, तेऊए दिला का बगणीं ज़िन्दगी दैणैं आल़ै पाणींए गाडा।’”

तेखअ थैरे खिरीए धैल़ै, ज़ुंण सोभी का बडअ धैल़अ आसा, ईशू लागअ लोगा मांझ़ै खल़्हुई करै ज़ोरै-ज़ोरै बोलदअ, “ज़ै कुंण नचिशअ होए, सह एछै मुंह सेटा। (याशायाह 55:1)

ईशू बोली ती ईंयां गल्ला पबित्र आत्में बारै दी, ज़ुंण विश्वास करनै आल़ै लै एछणैं आल़ी ती। किल्हैकि पबित्र आत्मां निं अज़ी बी आई ती। किल्हैकि ईशू निं अज़ी बी आपणैं प्रतपा दी पुजी त।

कसा मणछे मुंहां भाल़ी न्याय निं करा, पर धर्मां दी रही करै करा न्याय।” (याशायाह 11:3युहन्ना 8:15)

“ज़ुंण आप्पू बाखा किज़ै बोला, सह च़ाहा आपणीं बड़ाई करनी, पर ज़ुंण आपणैं छ़ाडणैं आल़े बड़ाई च़ाहा करनी, सह हआ हर गल्ला दी शुचअ और तेऊ दी निं कोई पाप बूराई हंदी।

ईशू दैनअ तिन्नां लै ज़बाब, “ज़ुंण समाद हुंह खोज़ा अह निं मेरअ आथी पर अह आसा तेऊओ ज़ुंणी हुंह संसारा लै आसा छ़ाडअ द।

अह संसार निं तम्हां संघै दुशमण हई सकदअ। पर मुंह संघै डाहा ज़ीद इहअ करै कि हुंह दैआ तेऊए खलाफ गवाही कि एऊए काम आसा बूरै।