Versets bíblics populars de यूहन्ना 12

Comparteix

अगर कोई मेरी सेवा केरला, तेई मेरा च़ेला बणना, होर ज़ौखै हांऊँ सा, तौखै मेरी सेवा केरनु आल़ा बी होंणा, अगर कोई मेरी सेवा केरला, ता बापू तेइरा आदर केरना।

ज़ो आपणै प्राणा सैंघै झ़ुरी डाआ सी, सौ तेइबै खोआ सा, होर ज़ो ऐई दुनिया न आपणै प्राणा सैंघै झ़ुरी नैंई डाहन्दा, तेई हमेशा री ज़िन्दगी री तैंईंयैं तेसरी फाजत केरनी सा।

हांऊँ तुसाबै सच़-सच़ बोला सा कि ज़ाँ तैंईंयैं गेहूँ रा दाणा धौरती न पौड़िया मौरदा नैंई सौ केल्हाऐ रौहा सा, पर ज़ैबै मौरा सा ता बोहू फ़ौल़ आंणा सा। (होर मूँ सैंघै बी ऐण्ढा होंणा)

हांऊँ दुनिया न प्याशा होईया आऊ सा किबैकि ज़ो कोई मूँ पैंधै बशाह केरलै तेई निहारै न नैंई रौहणा।

“अगर कोई मेरी गैला बै नैंई शूणदै, ता हांऊँ तेइबै दोषी नैंई मनदा किबैकि हांऊँ दुनिया रै लोका बै दोषी बनाणै री तैंईंयैं नैंई पर दुनिया रै लोका रा उद्धार केरनै री तैंईंयैं आऊ सा।

तैबै मरियम जटामांसी रा लगभग औधा सेर बोहू कीमती खुशबूदार तेल लेइया यीशु रै ज़ौघा पैंधै मौल़ी। होर च़ोहढ़ै लाइया ज़ौघा साफ केरी होर तेसा खुशबूदार तेला सैंघै पूरा घौर भौरूआ।

तैबै तिन्हैं खजूरै री शाणी आंणी होर यीशु सैंघै मिलणै री तैंईंयैं निकतै, होर जौरे सैंघै बोल्दै लागै, “प्रभु री स्तुति हो!” “धन्य इस्राएला रा राज़ा, ज़ो प्रभु रै नाँ न एज़ा सा।”

तैबै यीशु तिन्हां बै बोलू, “सौ सही बौगत आऊ सा, कि हांऊँ मांहणु रै बेटै री महिमा होली।