Versets bíblics populars de Yohana 10

Comparteix

Oguou emuni e’yo azinisii ku, emu kiri oguzu, ’ba ’dizu, ’ba dri jazu a’dule; te ma emu yi ma ovu ani idri be, yi ma ovu eri be tu aga ra.

Ma ’ba kabilo ocepi bari. ’Ba kabilo ocepi bari idri ini ku kabilo ma e’yosi.

Kabilo mani yi o’duko mani eri ra, ma ni yi ra, yi ma vuti bi indi

azini ma fe yi dri idri ’dani ’daniri; yi ngani dri ja ’dani ’dani ku, azini ’ba aluni ngani yi pa ma dria okposi ku.

Ma jotileni; ’ba azini ka fi ma vurisi, eri nga i pa ra; eri nga fi eri nga fu, eri nga iribi isu ra.

Ma ’ba kabilo ocepi bari; ma ni kabilo mani ra, mani ’diyi ni vini ma ra

Ma Ati yi fepi ma driri aga dria; ’ba aluni ecopi vini yi papi ma Ati ma dria okposini yo. Ama ma Ati be alu.

ekile ma Atini ma nile ra, mani vini ma Atini nilerile; azini ma idri mani ku kabilo ma e’yosi.

’Ba aluni pani idri mani ma driasi ku, te ma ’ba eri va ma drisi ceni. Ma okpo indi eri ’bazu va, azini ma okpo indi eri e’duzu dika. Azita ’diri ma a’i ma Ati dri

Yesu nga ’yo ani yi ria dika kini, Ma ’yo emi tia ndi ndi, ma jotile kabiloniri ma’i.

’Ba azi ngapi oyasi ovupi ’ba kabilo ocepiri’i ku, kabiloni ovuzu eri ma ngulupini kuri, erini ’balau ndreta emuria eri ku kabiloni, eri apa apa, ’balauni nga yi obi, nga yi ere ra.

Ma ’yo emi tia ndi ndi, ’ba fipi lico kabilo vileri ma tilesi ku te tupi geri azinisiri, ’ba nde eri oguouni azini ’ba afa opapiri indi.