Versets bíblics populars de Kutoma 17

Comparteix

Pikhali Abramu pyaka makumafemba na pifemba pyakubalwa, MBUYA adamuonekera mbalonga mbati, “Ine ndine Mulungu Wamphamvu zonsene. Iwe wathema kundivera, pontho ndzidzi onsene phata pyakulungama.

Dzinako hinakhalave Abramu tayu, mbwenye Abrahamu, thangwi ndakuchitisa kukhala kholo wa madzinza azinji.

“Chiverano changachi ndinati ndichikhazikise kuti chikhale chiverano chakukhala na kukhala pakati pa iwe na ine, pontho na pidzukulu pyako mpakana mifendu yonsene inafuna kudza m'tsogolo. Ine ndinakhala Mulungu wako, pontho Mulungu wa pidzukulu pyako.

“Ndikuchita nawe chiverano ichi lero: iwe unati ukhale kholo ya madzinza azinji.

Mbwenye Mulungu adatawira mbati, “Nkhabe! Mkazako Sara anakubalira mwana, pontho unamthula Isake. Ine ndinakhazikisa chiverano changa pana iye na pana pidzukulu pyache kwenda na kwenda.

Ine ndinati ndipereke dziko yonsene ya Kanani inakhala imwe ninga alendo leroyi kuti ikhale yako na ya pidzukulu pyako. Dzikoyi inakhala ya pidzukulu pyako kwenda na kwenda, pontho ine ndinakhala Mulungu wawo.”

Abrahamu adalamba, kwache adatoma kuseka mbalonga yekha ene mbati, “Ayi akulumwe, nkhukwanisikadi kuti mamuna wa pyaka dzana pyakubalwa kubala mwana? Apo Sara wa pyaka makumafemba pyakubalwa nkhukwanisika kubala mwana?”

Mulungu adalonga pontho kuna Abrahamu mbati, “Iwe wathema kuleka kumchemera mkazako Sarai; kutomera lero, kwenda m'tsogolo dzinache inakhala Sara.

Kutomera lero kwenda m'tsogolo mwana wamamuna onsene athema kugwandwa nsonga yachimuna angamala nsiku zisere zakubalwa, kuthimiza penepo mabitchu onsene akubalwa m'nyumba mwako penu na onsene akuchita kugulwa kubulukira kuna munthu wachilendo. Chenechi chinakhala chidzindikiro cha chiverano pakati pa iwe na ine.

Mbwenye ndinakhazikisa chiverano changa pana Isake mwanako ule anabalwa na Sara pandzidzi ninga uno chaka chamangwana.”

Kutomera lero kwenda m'tsogolo mwana wamamuna onsene athema kugwandwa nsonga yachimuna angamala nsiku zisere zakubalwa, kuthimiza penepo mabitchu onsene akubalwa m'nyumba mwako penu na onsene akuchita kugulwa kubulukira kuna munthu wachilendo. Chenechi chinakhala chidzindikiro cha chiverano pakati pa iwe na ine. Mamuna onsene athema kugwandwa. Chenechi chinakhala chidzindikiro chakuchitwa pamanungo kuonesa kuti chiverano chasasanya ine na iwe ntchakukhala na kukhala.