Versets bíblics populars de Jâŋ 17

Comparteix

Lɔgɔ nò nénʉ́ jú ńgÿo pɔ́ cʉ́’ pʉ̀a pú tà shwóŋó nò. Ashwóŋè jú áa nénʉ́.

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ. Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Legú’ gẅie ɔ̀ la náa mbwo mèŋ la, aa wɛ̌ gẅie n ka náa mbwo pɔ́b, pɔ́ ge gwɔ́ tà’ nyìŋ pá’ pɔgɔ ée tà’ nyìŋ. Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.