Versets bíblics populars de Matio 10

Comparteix

Mèŋ n túmo gẅi pé pá’ à lɔɔn ńgwɔ́ mé túm mvfó tsetsɛ̀ɛ menɔ̀ɔn ngẅi, pi ké ńgwaa giŋ ńdÿɔ́’ pá’ nnú, ḿbiŋ ńgwɔ́ pàteŋag ntsaŋ pá’ kàpʉŋ la

Nyìŋ lɔɔn ngie à ge pɔ́ɔn we légwɔ́ wó, mbà à ge pyé, tá nyìŋ gẅie à pǐŋ ńzẅíŋe lépyé mélà’ mɔ́ɔn zɔ gÿó ńgwɔ́ wó.

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Nyìŋ lɔɔn tè kaa yé tÿǒ nkǐ, ńdɔg ńzẅíŋe lékwé tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́

Nyìŋ lɔɔn ńgɔɔn mvfò lá’ ngie: Mèŋ n ge nyìŋ Yěsô. Mbà mèŋ n ge lá’ gɔɔn yɔ́ɔn mvfò Tá wɔ̀ɔn gẅie aa tÿǒ lepwó ngie: Nyìŋ wɛ̂ aa wɔ̀ɔn nyìŋ. Tá nyìŋ piŋ ńgɔɔn mvfò lá’ ngie: Mèŋ n tè nyìŋ Yěsô wɔ́, mbà mèŋ *Míŋ Nyìŋ ge lá’ gɔɔn yɔ́ɔn mvfò Tá wɔ̀ɔn mie aa tÿǒ lepwó ngie: Nyìŋ wɛ̂ tè wɔ̀ɔn nyìŋ wɔ́

Pi gʉa ńgÿo megàŋa guɔ zeŋe, ńgÿo mepfó zím, ńgÿo megàŋ nkà’ pǎb zeŋe, ńjwoŋ *messé tepòŋ. Mé nǎ mbwó pi sẅɛɛ sẅɛɛ, pi gíŋe ńná gí sẅɛɛ sẅɛɛ.

Pú’u la, pi pɔ́ɔn légíŋe ḿbɔ́g, pi ee mbwó Ssé ńgwɔ́ mmó tʉ̀ nzẅìŋ ńcʉa mejʉŋé tà ńgyɔ́ɔn.

Tà pi kwaŋ ngie mèŋ n ka lɔg mbʉ́lè ńtóo ndùmo ssé tsetsá’. Mèŋ n ka tè lɔg mbʉ́lè ńtó wɔ́, ńka lɔg pɔ́ fagte ńtó.