Versets bíblics populars de Lucas 22

Comparteix

Nits wyaany: «Teety'ajjt tsapjotmë't, ku mijts jyeexyë xtüny nits kä'ä ëjts ya'at ayoo'n ntanaxt; kä'äts xtu'nt naa'xkë'n ëjts ntsöky, wä'n najj tünyë naa'xkë'n mijts xtsöky.»

Tëts ëjts mijts nkunuu'kxta'aky nits katij mtëyjyaa'w'ajjtë'n tyakkoy. Kuts ëjts xniwimpitt, kajpxjotmëjjë mmuku'uktëjjk jäts tu'ukyë ëjts xtëyjyawëtë't.

Nits tkoony tsapkääky, kuts tkunuu'kxtak'awaajt'ëëy, nits tujkwä'kxy jäts tmooy y'ixpëjkpëttëjjk nits tnëëjmjaay: —Ya'at ëjts nnikkëjjx'eepy, mati' miits mku'ookëwyaajnëtë'p, ttuntë ya'at najj, najjts ëjts xjaa'myätstë't.

Kuts y'a'uxë y'awaajt'eetyë nits tkoony jatu'kyaajjë uujk'ëë'ny, jäts wyaany: —Ëjts ya'at nnë'ëjpy mati' tsunwamp ta'kxwamp miits këjxm, yë' këjxmts miits jatu'kyaajjë Yës Teety xmëëtnamyu'oy'attëtë't.

Kuts myëjktak'atëëjtsy Jesús y'ayoo'n, nits jawäänë mëjk nyuu'kxtak'axajjy, jäts në'ëjpymyëët y'ijjty pyüjxyky tyä'kxy.

Kä'äts miits najj m'atë'ëtstë't. Pën tnimëjj'eepy wä'n nimutsk tnapyemyë, pënts pawamp wä'n nitukkë'yë tmuttüny.

Jäts Jesús y'atsoowimpijjtë: —Pedro, ixyam ëjts nnikkäjpxy, kä'änë'm wyä'në tsajpna'aaw y'aya'axy jäts mijts mwa'ant yi'it tuwëëkyaajjë nits kä'ä ëjts x'ijxë.