Versets bíblics populars de Yohani 1

Comparteix

Avene nyene vonti ve vamuposheleye vʼavapiyʼamaha aga kuvelʼukuva vana va Mulungu, vuvo ve vahitiha izina lyakwe

Kuvwando kwe lyalʼizwi. Izwʼili lihava nuMulungu. Izwʼili lyali wʼuMulungu.

Ulwenʼuluhozyo luhahozya mushisi. Ishenʼishisi shihasita ukulwaganya.

Havilʼizwi lihayipelʼukuva muvili, ahadila mumwitʼumu tuhenya nuvupiti vwakwe, uvupiti fwe vwa Mwana wʼali woka mwenʼimozi mwa Yise, we nuvwila nuvwanalyoli vwizuye mumwakwe.

Vwonti ṿipezilwe mwe mumwakwe lilyo. Litave lilyo pe nkandi ṿitapezilwe naṿimo ṿwe ṿipezilwe. Vwope nuvulanzi vuhava mumwakwe lilyo. Uvwenʼuvulanzi vuhava luhozyo lwa vantu.

Ilya ndavi ahamwagʼuYesu akwinza pʼali, pʼahayanga ahati: Ula halʼahagonzi ha Mulungu he hakunyatulʼuvutalamalandu vwa nsi yonti.

Uwenʼali munsʼumu, she yopʼinsi yapezilwe mumwakwe, nkandi iyenʼinsi yitahamumanya. Ayinzile mumwakwe, havili avenʼavantu vakwe vahasitʼukumuposhela.

Ulwene lwe luhozyo lwa nalyoli, lwe lukuhozya vontʼavantu ve vakwinza munsʼumu.

Shʼizyenʼinkomelezyo uMulungu atutumiye nuMose, uvwenʼuvwila nuvwanalyoli vwʼatupeleyʼuYesu Chilisiti.