Versets bíblics populars de Mi cilima 1

Comparteix

Lanwani, U Tienu den yedi: «Tin tagi o nisaalo ti yaa nannanli nni, nani tin tie maama, ke wan diedi mi ñincianma jami, tanpoli bonyugiditi, ki tinga nni yandi leni yaa bonbalinkaala n balini ki tinga po kuli.» U Tienu den tagi o nisaalo o yaa nannanli nni, O den tagi o wani U Tienu yaa nannanli nni, O den tagi joa leni pua.

U Tienu den seligi ba, ki yedi ba: «Yin yaa maa a bila ki pugidi, ki go gbieni ki tinga ki diedi ga. Yin diedi mi ñincianma nni jami, tanpoli yaa bonyugiditi leni yaa bonfuoda n balini ki ye ki tinga po kuli.»

Hali mi cilima, U Tienu den tagi tanpoli leni ki tinga.

Ki tinga den tie tinfanga, ke liba ki ye lienni. Li biigili den ye u kulu yuli po. U Tienu Fuoma den lengidi u ñingbanu po.

U Tienu den yedi: «Mi yenma n yaa ye!» Mi yenma den tieni.

Li den tua yeni. U Tienu den laa wan den tagi yaala kuli ke li ŋani hali boncianla. Ku yenjuagu leni ku tiŋaagu den ye, lani n den tua li daluobili.

U Tienu den laa ke mi yenma ŋani, ke o paadi mi yenma leni li biigili.

U Tienu den yedi: «N puni yi yaa moabuolu n luoni ki pia i bonbii, ki ye u tingbanu po leni yaa tibuolu n luoni ki pia i bonbii kuli, lani kuli n tua yi bonjekaala.

U Tienu den cili mi yenma yeli u yensiinu, li biigili mo yaa yeli ku ñiagu. Ku yenjuagu leni ku tiŋaagu den ye, lani n den tua li dakpiali.

U Tienu den yedi: «Mi fanma n yaa ye mi ñima siiga nni, ke lan paadi mi ñima leni miyama.»

N puni yaa yandi n ye ki tinga nni, yaa bonyugiditi n ye tanpoli, yaa bonfuodila n balini ki tinga nni kuli, n puni ba yaa bonsoangila n pudi ki tinga po kuli, lan yaa tie bi po jiema.»

U Tienu den yedi: «Mi yenma buoli n yendi ki yaa ye tanpoli fanma nni, ki paadi u yensiinu leni ku ñiagu, ki yaa tie sinankeeninba ki waani i yogini, a dana leni a bina.

Lani n pendi, U Tienu den yedi: «Li bonsoangila buoli kuli n yaa ye u tingbanu po. Ti muadi n yaa pia yaa bonbii n baa pudi, tibuolu kuli mo n yaa pia yaa bonbii n baa pudi.» Li den tua yeni.

U Tienu den tagi mi fanma ki paadi yaa ñima n ye mi fanma tanpoli leni yaa ñima n ye mi fanma tiipo. Li den tua yeni.

Li bonsoangila buoli kuli den pudi, ki tinga nni muadi kuli den loni ti bonbii nani ti buolu n tie maama. Yeni moko, i tiidi den loni i bonluonkaala ki pia i niinni i bonbii nani i buolu n tie maama. U Tienu den laa ke li ŋani.

U Tienu den tagi mi yencianma buolilie. Yaama n yabi ki cie miyama den diedi u yensiinu. Yaama n wa ki cie miyama mo den diedi ku ñiagu. O go den tagi a ŋmabila moko.

U Tienu den yedi: «Yaa ñima n ye tanpoli tiipo n taani kaanyendu, ke ki tinkuonga n yaa ye.» Li den tua yeni. U Tienu den cili ki tinkuonga yeli ki tinga, ki cili mi ñintaankaama mo yaa yeli mi ñincianma. U Tienu den laa ke li ŋani.

U Tienu den seligi ba ki yedi: «Yin yaa poadi a bila ki pugidi, ki gbieni mi ñincianma, ti bonyugiditi n yaa pugidi ki tinga po.»

U Tienu den yedi: «A bonfuoda n gbie ki tinga nni nani bi buoli n tie maama: ti denyandi, li bonbalinkaala, ti moayandi nani bi buoli n tie maama.» Li den tua yeni.

U Tienu den yedi: «Mi ñima n gbie leni i bonfuodibuoli kuli, ti bonyugiditi mo n yaa yugi ki tinga nni hali tanpoli fanma nni.»

U Tienu den tagi ti moayandi nani ti buoli n tie maama, ti denyandi nani ti buoli n tie maama leni ki tinga bonbalinkaala kuli, nani li buoli n tie maama. U Tienu den laa ke li ŋani.