Versets bíblics populars de Jan 6

Comparteix

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada.

U Tienu Fuoma Yua n puuni li miali, ti gbanandi ki pia fuoma. Min maadi yi yaa maama tie mi Fuoma yaa maama leni li miali yaa maama.

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»

N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»

Jesu den guani ki yedi ba: «U Tienu n bua yin soani yaa tuonli tie ke yin daani wan soani yua yeni.»

Baa U Tienu n puni nni yaaba kuli baa cua n kani. N kan deli yua n cua n kani kuli.

Simon Pieli den guani ki yedi o: «N Daano, ti baa gedi ŋme yaa kani? Fini n pia yaa miali n kan gbeni yaa maama.

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Oba kuli kan fidi ki cua n kani, li yàá tie Baa yua n soani nni n dadi yua yaa yama yaa ka. Yua n cua n kani, n baa fiini o bi tinkpiba siiga, li juodidaali.

kelima U Tienu n puuni yaa jiema tie yaama n ñani tanpoli po ki jiidi ki puuni ŋanduna li miali.»

Mini, n tie li mali jiema.

Jesu den taa bi dupenmuudiba ki tuondi U Tienu, ki boagidi yaaba n kaa yeni kuli. O go den boagidi i jami, ke yuakuli baa wan bua yaa bianu. Ban den dini ki guo, o den yedi o ŋoadikaaba: «Gandi gandi mani yaa boncaba n sieni, ke liba n da bia.»

Ban den kudi ki cuoni kilo dajenamuu, yaa ka dajenaluoba, bi den laa Jesu ke o cuoni u ñingbanu po ki nagindi ku ñinbiagu kani. Ti jawaandi den cuo ba. O den yedi ba: «Mine, yin da jie mani!»