Versets bíblics populars de Luki 14

Comparteix

«Yua n cua n kani, o yàá yie o baa leni o naa, o pua leni o bila, o kpeliba leni o waamu, ba o yuceli mo, o kan tua n ŋoadika.

Yua n ki bugi o dapoanpoanli ki ŋua nni, kan fidi ki yaa tie n ŋoadika.

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.»

Li tie yeni, yi siiga yua n ki ŋaa wan pia yaala kuli, kan tua n ŋoadika.

Yi siiga ŋme n baa bua ki maa li diefoagili ki kan kpa kali ki bandi wan baa biani yaala, ki le o yaa pia yaa ligi n baa dagidi wan gbeni. O yàá tieni yeni, o yaa puu li tanpuuli ki naa fidi ki juodi, yaaba n baa le kuli baa ñuadi o, ki yedi: ‹O joa na cili li diemaali ki naa fidi ki juodi.›

A yaa baa yini bi niba mi jaanjiema po, ŋan yini a luoda, a tadima, a waba leni a juama. Lani, U Tienu baa ŋanbi a po kelima bani wani kan fidi ki guani a a ŋanma. U Tienu yaa ti fiini bi niteginkaaba bi tinkpiba siiga, o baa guani a ma.»

Mi yaama tie yaa bonla n mani, ama mi yaa ti luo mi manu, bi baa taa be ki go mangi ma? Maa pia mayuli ki tinga po, maa go pia mayuli ti bugidi po, kali ban lu ma bebe. Yua n pia a tuba ki baa gbadi, wan gbadi.»