Versets bíblics populars de Zaã1 4

Comparteix

Nyɛ́ɛ ba kɔn-narɛɛ-n wa, kɔn-narɛɛ sonbore n nyɛ́ɛ boe wɔ ganaa. Bɛ̀ wɔ á nyɛ́ɛ biɛ mà min tá re dɔlɔ boe wɔ ganaa, bɛ n nyɛɛ mà wɔ ba ǹ dɛnaa narɛ a giala yii li wa.

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.

Maa giaáran lɛn, ka daa wɔ kɔn narɛ, a giala kɔn-narɛɛ n boe Lawa li. Min mɛn bɛ́ ǹ miã narɛ, bɛ n Lawa a nɛ lɛa, a n Lawa doɛ̃.

Bɛ̀ min mɛn ba ǹ miã narɛ wa, bɛa Lawa doɛ̃ wa, a giala, Lawa n minin-narɛli lɛa.

Minin-narɛɛ lɛ n ka kɛ nɛ: a bie ka wɔsɛn man wɔ́ Lawa narɛ wa, sɛnɛ, asɛ na á wɔsɛn narɛ, a ná a Nɛgiĩ dia, wɔa sii baraan sawaa ǹ wúlu màn lɛa.

Maa giaáran lɛn, bɛ̀ Lawa wɔ narɛ miɛ̃, wɔ dɔn doamaa nɛ wɔ kɔn narɛ.

Lawa na a minin narɛ ǹ sii zɛnaa wɔ bii lɔn, bɛ á ke: a ná a Nɛgiĩ goon toto dia kanaa lɛ nɛ, ń giɛ, wɔ á yiikoonaabaa yii a pàã ganaa.

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ. Bɛ̀ Lawa Yiri tá ǹ li, ka bɛ́ re doɛ̃ lɔn bɛ á ke: min mɛn bɛ́ pii, mà Yezu *Krita na á daa minbuiin lɛa, Lawa Yiri tá bɛ lon.

Sɛnɛ, min mɛn bɛ́ n piɛ̃, mà asɛ a bɛ doɛ̃ Yezu wɔ paǹ li wa, bɛ yiri kɛ bie boe Lawa li wa. Yiri mɛn bɛ́ a li, Krita a Zɔ́ɔ yiri ni. Ká ma, mà a doamaa nɛ a daa, sɛnɛ, a tá kanaa dinin gɔrɔ.