Versets bíblics populars de Efɛ 3

Comparteix

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen. Gugurubaa die a goã bɛa Lawa kɛ lɛ wɔ lɛa, a din a sɔmɔ gɔ́ɔ̃ nɛ Yezu Krita pàã ganaa, baraabaraa yǎa duduu. A n miɛ̃.

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni. A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ. Bɛ̀ á n baa miɛ̃, Lawa a kɔn-narɛɛ lɛ bɛ́ gole á la yii-n lɔn, ka á re boe la ka bɛ dɔ̃. Ka laanka Lawa a zaman tumaa á die a pəməbaa doɛ̃, a sasabaa nɛ, ka a wo lon ne, ka a zuzulubaa nɛ. Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.