Versets bíblics populars de Jẹnẹsisi 21

Comparteix

Osolobuẹ bịa d'a tụnị Sẹra ụya k'o dọn ku, ọ nọ mẹni Sẹra ihiẹn o kwe ẹ nkwa.

Chuku nọ nụ olu nwa-ndu ahụn ebe ọ rị a kwan ẹkwan; ya mmọn-ozi Osolobuẹ nọ gha elu-igwee hị Haga oku, sị a, “Haga, k'ị rị a kwannị? Atụlẹ egun, makẹni Osolobuẹ a nụọlẹ olu nwata ahụn ebẹhụ ọ rị. Ozigbo, jẹnmẹ d'a parị nwata ahụn, y'e kwọndọn ẹ ọhụnma, makẹni m k'e mẹ ẹ wụrụ okẹn alị.”

Sẹra nọ tụrụ imẹ, mụnị Ebraham okẹnnyẹ ebe Ebraham kagụ ẹgẹdi. Ogẹn Chuku gwa Ebraham kẹ wẹ gi mụ a.

Ya Sẹra nọ sị, “Osolobuẹ e mẹgụọ m mụ ẹmụ ; onyẹ ọwụlẹ nụ ihiẹnni k'e sọn m mụ ẹmụ!”

Kanị, Osolobuẹ nọ sị Ebraham, “Anịlẹ oku nwata ahụn lẹ igbọn i okpoho gbu i ẹhụ; gi ihiẹn ile Sẹra rị e ku dọn, makẹni ẹka Aziki kẹ i k'a gha nwọnhẹn ụmụ wẹ k'a kpọ nke i.

O mẹ nke nwa igbọnni, m k'e mẹzikwọ a wụrụ okẹn alị makẹni nwa ị k'ọ wụ.”