Versets bíblics populars de Ijɔ̍ɔn 7

Comparteix

Wu̍chē oji̍ nɛ, Īpū yī Ɔwɔ ka i̍ngɔ̍ɔ hīka, ‘Ɔ̄chɛ nīi ge̍ chɛ̄ku u, yenyi yī ɔhɔ̄leyī ge̍ē pɔ̍ɔ̄pɛ̍ ē bū la ūkpɔ̄tū yī ɔlɔjā.’ ”

I̍chi̍chɛ nīi ɔwɔ̄wīyā ɔla̍ā ge̍ē chlɛhu̍ ma̍, anu̍ kpɛ̍ɛ - ɔ̄chī ɔlamu-ɔlamu gɔ̄ga a̍nɛ. I̍chi̍chɛ ɔla̍ā, Iji̍sɔ̄ɔsi nīichō yarɛ tɔ̍ɔna koko̍o de āchɛ hīka, “Ɔ̄chɛ nīi ge̍ ku̍ odīyenyi, ɔlɔjā ge̍ yewā dikpo̍ba̍ u ge̍ gwa̍ yenyi.

Lɛlā yī Uhu yī Ɔwɔ nīi āchɛ nīi chɛ̄ku ɔ̍ ma̍ ge̍ē nāa ma̍ nīi Iji̍sɔ̄ɔsi yɛ ē ka a̍nɛ. Wu̍chē oji̍ nɛ, yɛ̄grāa ɔla̍ā, o̍ i̍ de Uhu yī Ɔwɔ de wa̍ we̍ ni̍. Wu̍chē lɔkɔ nīi Iji̍sɔ̄ɔsi i̍ hye̍ēyī la okū wā rīgā yī nū we̍ ni̍ ma̍.

Ala̍ e̍e hlɛ̍ɛ̄pɔ̄ ji lɔkɔ nīi ala̍ ma̍ lɛlā yɛchɛchɛ yī nū ma̍ ni̍. Ala̍ ā hlɛ̍ɛ̄pɔ̄ lɔkɔ nīi lɛlā lɛ kpakpa ma̍.”

Ɔ̄chɛ nīi ē koko̍o yī lɛlā yī anu̍ ɔlɔjā ma̍, otūlichō yī anu̍ ɔlɔjā nīi o̍ ē gāla̍ a̍nɛ. Ɔ̄chɛ nīi yɛ ē chikpo̍ yī otūlichō yī ɔ̄chɛ nīi de ɔ̍ tɛ̄rɔ̄ ma̍, anu̍ - ɔ̄chɛ ɔka lɛlā lēchi̍ lēchi̍ a̍nɛ. Arīmɛ̄ ɔha̍lɔha̍ i̍ ē hɔ̄ la ibi̍īyē yī nū ni̍.

Iji̍sɔ̄ɔsi hīya aa̍ ɔkɔ bɛ̍ɛ̄nɛ̄ hīka, “Ala̍ ma̍ gɛ ko̍ō! Lɛlā nīi n ē ngū āchɛ ma̍, i̍ lɛlā yī ami ɔlɔjā ni̍. O̍ bū la abɔ̄ yī Ɔwɔ nīi de u tɛ̄rɔ̄ ma̍.

Ala̍ ma̍ i̍ ta̍ yɛchɛ anyī ni̍. Ami ma̍, n ta̍ yɛchɛ anyī. Wu̍chē oji̍ nɛ, n ē ka ē tāa anu̍ myɛ̄grāa-myɛ̄grāa hīka ɔpɔ̄pū yī lɛlā yī nū hwɔhi ni̍.