Versets bíblics populars de Ima̍tiyu 15

Comparteix

Ɛjā nīi ē bīyɛchɛ ē bū lipu̍ yī oko̍o ma̍ ē bū la ūkpɔ̄tū. Anu̍ ē ya̍ nīi ɔ̄chɛ de ē bri̍īnyī lēchi̍ lēchi̍ a̍nɛ. Wu̍chē oji̍ nɛ, lipu̍ ūkpɔ̄tū yī ɔ̄chɛ nīi ɛri̍ya̍ ɔdwɔ̄bi̍ wa̍a̍ ē bū a̍nɛ. Anu̍ ē ta̍tu̍tu̍ yī lɛlā ɔdwɔ̄bi̍ nūma̍, wa̍a̍ a̍nɛ: ɔ̄chɛ ongmo̍ōngmo̍, ɔ̍bɔ̍ɔ̄nyā, ɔnyā ɔla̍ bɛ̍bɛ̍ ba̍la u̍mūda̍rī ɔyɔ̍ɔ̄ya̍, ɔjā yī ɔ̄chɛ ɔnāa wɔhu̍-wɔhu̍, arīmɛ̄ owōwu, ba̍la ode ɔ̄chɛ bīya la oko̍o.

I̍ ɔjā nīi ē chɛ̄ gāa lipu̍ yī oko̍o ma̍ ē ya̍ nīi ɔ̄chɛ de ē bri̍īnyī lēchi̍ lēchi̍ a̍ni̍. Ɔkɔkɔ ɔla̍ā, ɔjā nīi ē bīyɛchɛ ē hī lipu̍ yī oko̍o ma̍ ē ya̍ nīi ɔ̄chɛ de ē bri̍īnyī lēchi̍ lēchi̍ a̍nɛ.”

“ ‘Āchɛ nūma̍ ē de otūlichō de u la oko̍ko̍o ji; ūkpɔ̄tū yī wā lā hwɛɛ hī u. Otūlichō yī u nīi e̍ ē ya̍ ma̍ - a̍ji nɛ. Wu̍chē oji̍ nɛ, e̍ ē ngū lɛlā yī āchɛ̄ɛchɛ, bɔ̄ɔjā nīi o̍ - lihɔ yī Ɔwɔ nɛ ma̍. Ami Ɔwɔ ka i̍ngɔ̍ɔ a̍nɛ.’ ”

Bū la ɛbɛ ɔla̍ā, Iji̍sɔ̄ɔsi hīya anu̍ ɔkɔ hīka, “Ɔtū ode chōche yī awɔ ɔnyā nūma̍ lɔ̄kū kpa̍a! Ɔjā nīi a chikpo̍ ma̍, Ɔwɔ ge̍ ya̍ i̍ngɔ̍ɔ de wɔ gɛ!” Bū la yɛ̄gɛ̄grāa ɔla̍ā ɔpɔ̄ɔpɛ̄, ɔyi̍ yī ɔnyā ɔla̍ā de lɛ cha̍cha̍ i̍ngɔ̍ɔ ke̍e̍.

Bū la ɛbɛ ɔla̍ā, ɔnyā ɔla̍ā wā ɔpɔ̄ɔpɛ̄ ge̍ gbo la ajɛ la apli̍kpo̍ yī Iji̍sɔ̄ɔsi. Ɔ̍lɔ ge̍ chu̍chu̍u, ɔ̍lɔ ge̍ tū anu̍ wɔbɔ̄ gɛ. Iji̍sɔ̄ɔsi hīya anu̍ ɔkɔ bɛ̍ɛ̄nɛ̄ hīka, “Ma̍ ko̍ō! O̍ i̍ ngma̍ nīi ɔ̄chɛ ē de ojōre̍ yī aywɔ̍lɛ̍ nāa ē chīyēgblāa ē de yoō ni̍.” Ɔnyā ɔla̍ā hīya anu̍ ɔkɔ du̍mɔ̍ hīka, “Ɔla̍ā - lēchi̍ nɛ, Ādā! Yoō chī re̍ irwi yī ojōre̍ nīi ē ha̍ābɔ̄ bū la okpōkōlō yī abā yī wā ma̍!”